యాదగిరిగుట్ట,జూలై 3:సి ఎం కేసి ఆర్ ఇతర పార్టీల ఎమ్మెల్యేలను ప్రలోభాలకు గురిచేస్తూ పార్టీ ఫిరాయింపులను ప్రోత్సహించడం అ ప్రజాస్వామికమని సి ఎల్ పి నేత జానారెడ్డి అన్నారు. ఆదివారం యాదగిరిగుట్ట శ్రీ లక్ష్మినర్సింహ్మస్వామి ఆలయాన్ని సందర్శించారు. ఈ సందర్బంగా ఆయన మనవడికి అన్న ప్రాసన కార్యక్రమం నిర్వహించారు.అనంతరం విలేఖరులతో మాట్లాడారు.

నల్లగొండ టౌన్, జూలై 3: నాగార్జున సాగర్‌లో సైనిక్ స్కూల్ ఏర్పాటు కోరుతు ఎంపి గుత్తా సుఖేందర్‌రెడ్డి సీఎం కెసిఆర్‌కు లేఖ రాసినట్లుగా ఆదివారం తెలిపారు. ఏపిలో కేంద్రం రెండు సైనిక్ స్కూల్స్‌ను మంజూరు చేసిందని, కొత్త రాష్ట్రం తెలంగాణలో తెలంగాణలో నాగార్జున సాగర్‌లో సైనిక్ స్కూల్‌ను మంజూరు చేయాలని గతంలో కేంద్ర మంత్రి వెంకయ్యనాయుడు, మనోహర్ పారికర్‌లను కోరడం జరిగిందన్నారు.

భైంసా రూరల్, జూలై 3: బిజెపి బలోపేతానికి ఐక్యంగా కృషిచేద్దామని ఆ పార్టీ రాష్ట్ర ప్రధాన కార్యదర్శి రమాదేవి అన్నారు. ఆదివారం భైంసాలోని డాక్టర్స్ అసోసియేష్ భవనంలో జిల్లా అధ్యక్షుడు పాయల్ శంకర్ ఆధ్వర్యం లో జరిగిన సమావేశంలో ఆమె మాట్లాడారు. ప్రజావ్యతిరేక విధానాలు ఎండగడుతూ కేంద్ర ప్రభుత్వం ప్రవేశపెట్టిన సంక్షేమ పథకాలను ప్రజల్లోకి చేరవేసేందుకు కార్యకర్తలు సన్నద్దులు కావాలన్నారు.

వాంకిడి, జూలై 3: మండలంలోని బంబార గ్రామంలో 2010లో నిర్మించిన చెరువుకు దాదాపు 1.70కోట్లతో నిర్మించిన ప్రధాన కాల్వ నిర్మాణ పనులు గాలికివదిలి ఇఎండి డబ్బుల కోసం సదరు కాంట్రాక్టర్ ఒత్తిడి చేస్తున్నట్లు తెలిసిందని ఆ డబ్బులు ఇవ్వకుండా అధికారులు ముందుగా కాల్వను బాగు చేయించి తర్వాతనే ఆ సొమ్ములను ఇవ్వాలని రైతులు కోరుతున్నారు.