సినిమాకు బలం కథ. మూలం కథే. ఆ కథను కళ్లకుకట్టినట్టు ప్రేక్షకులకు చూపించేవాడు దర్శకుడు. పాత్రలు, పరిసరాలు, ప్రాంతీయ వాతావరణం, జీవన విధానాలు ఇవన్నీ ఒక దానితో ఒకటి కలిసి ఉండేటట్లు నిర్మిస్తేనే ఎక్కడా ఎటువంటి విమర్శలు రావు. అవి పౌరాణిక చిత్రాలు కావచ్చు.

‘‘ఈ సినిమాపై కక్షకట్టే అవకాశాలున్నాయి. పనిగట్టుకొని డివైడ్ టాక్ సృష్టిస్తారు. విమర్శలు చేస్తారు. ఆ ప్రయత్నాన్ని ప్రేక్షకులే దాటించాలి...’’అంటూ స్వయంగా ఓ ప్రముఖ సినిమా గురించి... మరో ప్రముఖ నిర్మాత.. ఆ సినిమా ప్రీరిలీజ్ వేడుకలో ఉద్వేగంతో వెలువరించిన సంచలనాత్మక వ్యాఖ్యలు.. ప్రస్తుతం సినిమా రంగంలో అన్నివర్గాల వారిలో ఆశ్చర్యాన్ని కలిగిస్తున్నాయి! ఆసక్తిని రేకెత్తిస్తున్నాయి!

ఒక సినిమా తీయడమంటే ఆషామాషీ కాదు. 24 ఫ్రేమ్స్ ఒక్క దగ్గర చేరాలి. కథా, కథనాలు... ఇలా అన్నీ చక్కగా కుదరాలి. హీరో, హీరోయిన్- పాత్రలు, పాత్రధారులు... ఇలా ఒక సరికొత్త జీవితాన్ని సినిమాగా సృష్టించాలి. వినోదాత్మకంగా లేదా పది మంది మనసులని హత్తుకునేలా వెండితెర మీద ఆవిష్కరించాలి. అందుకే సినిమావాళ్లు ఎప్పటికప్పుడు తాజాదనం కోసం కొత్త సరుకు వెతుకులాటలో పరుగెడుతూనే ఉంటారు.

** వెండితెర మీద వెలుగులు విరజిమ్మాలంటే పాత్రల్లోని నటులు ఆ పాత్రల్లో జీవించాలి. అలా జీవించాలంటే ఆ పాత్రల్లో నటించిన నటుల మధ్య, కాంబినేషన్ బాగుండాలి. ప్రతీ ఇద్దరిమధ్య కాంబినేషన్ బాగుండాలనేదేమీ లేదు. ఆ పాత్రలు, హీరో, హీరోయిన్లు, క్యారెక్టర్ ఆర్టిస్టులు, కమెడియన్లు, స్నేహితులు, విలన్స్, వ్యాంప్ క్యారెక్టర్లు ఏవరయినాసరే అందరి మధ్యన అంతగా పండవు.