S ,7 à 8 RSCA (si SASPAS) et 6 cialis pharmacie cialis rapports de stage.

మీ వ్యూస్

10/23/2017 - 18:32

చిరువ్యాసం ‘చివరి రోజు ల్లో’ మా మనసుల్ని కలచివేసింది. ఆ రోజుల్లో నటీనటులంతా భోళా భాళా! పారితోషికం గురించి పెద్ద గా పట్టింపు వుండేది కాదు. ఇచ్చింది పుచ్చుకునేవారు. విశాల హృదయంతో ఆర్తులకు అప్పులిచ్చి ఆదుకునేవారు. అప్పు తీర్చకపోయినా నిలదీసేవారు కాదు. ఈ ఔదార్యమే చాలామంది కొంప ముంచింది. మద్యానికి బానిసలై మునిగిపోయిన వారు వుండేవారు. ఈనాటి విద్యావంతులైన నటీనటులు డబ్బు విషయంలో జాగ్రత్తగా వుంటున్నారు.

10/23/2017 - 18:31

నేను రాసిన ‘ఏం లాభం?’ లేఖకు ప్రతిగా వచ్చిన ‘సూచక’ లేఖ చూశాను. నయాదౌర్, హమ్‌దోనో, చోరీ చోరీ చిత్రాలకు రంగులు అద్దినట్లు ప్రచారంగాని, ప్రకటనలు గాని నేను చూడలేదు. మాకు సమీప పట్టణాలు కాకినాడ, రాజమండ్రిల్లో మొఘల్-ఎ-అజం తప్ప మిగిలిన హిందీ చిత్రాలేవీ రాలేదు. బహుశా సడీ సవ్వడి లేకుండా ఇలా వచ్చి అలా వెళ్లిపోయాయేమో! ఏదేమైనా బ్లాక్ అండ్ వైట్ చిత్రాలకు రంగులు అద్దడం లాభసాటి కాదు.

10/23/2017 - 18:30

దసరాకు విడుదలైన చిత్రాల్లో జూ.ఎన్టీఆర్ ‘జై లవకుశ’ త్రిపాత్రాభినయ చిత్రం నాకు బాగా నచ్చింది. ముఖ్యంగా ఎన్టీఆర్ నటన అత్యద్భుతం. పాటలు రెండు బాగున్నాయి. ఫైటింగ్స్, లొకేషన్స్, ఫొటోగ్రఫీ, డైలాగులు ఫర్వాలేదనిపించాయి. మిగతా పాత్రధారులు మెప్పించారు. దర్శకుని నైపుణ్యం, నిర్మాతల సహకారం మరువరాదు, సాంకేతిక నిపుణులతో సహా.
-సాయి మన్విత, బాగ్ అంబర్‌పేట

10/23/2017 - 18:28

గుండమ్మ కథకు మూలం షేక్‌స్పియర్ ‘టేమింగ్ ఆఫ్ ద ష్రూ’ అన్న ఆంగ్ల కథకు స్వేచ్ఛానువాదం ‘బహదూర్ గండ’ పేరుతో ‘బీచి’ అన్న కన్నడ ప్రసిద్ధ హాస్య రచయిత చేసినారు. ఆ కథ ఆధారంగా ‘గుండమ్మ కథ’ను విజయావారు మన తెలుగుతనం ఉట్టిపడేలా తీర్చిదిద్దినారు. దానినే మళ్లీ కన్నడిగులు ‘నంజుండ కల్యాణ’ పేరుతో రీమేక్ కొట్టినారు. మళ్లీ డబ్బింగ్ లేదా రీమేక్‌తో తెలుగులోకి తెచ్చారు.

10/23/2017 - 18:26

దర్శక దిగ్గజం ఎస్.జె.సూర్య సైకో విలన్‌గా నటించిన ‘స్పైడర్’ చిత్రం మాస్ ప్రేక్షకులకే కాక మేధావులు, క్లాసికల్ వారికి విపరీతంగా నచ్చింది. ఈ చిత్రంలో మహేష్‌బాబు చేసిన ఇంటిలిజెన్స్ ఆఫీసర్ పాత్ర బాగా పండింది. భైరవ పాత్రలో సైకో కిల్లర్‌గా ఎదుటివాడు చస్తే సంబరపడే పాత్రలో ఎస్.జె.సూర్య నటన హీరోను బీట్ చేసింది. సంతోష్ శివన్ ఫొటోగ్రఫీ ద్వారా హాస్పిటల్ బ్లాస్ట్ దృశ్యాలు టెన్షన్‌కు గురి చేసాయి.

10/16/2017 - 19:49

సినిమాని కాక పరిశ్రమలోని వ్యక్తుల్ని తిట్టడం సినిమా ప్రమోషన్‌లో భాగం అయిపోతున్నది. ఇందులో కంగనాది అందెవేసిన చేయ! ఆమె నటించిన చిత్రం రంగూన్ విడుదల ముందు హృతిక్ తనని అన్ని విధాలా వాడుకున్నాడని ఆరోపించి అభిమానుల సానుభూతి పొంది చిత్రం హిట్ చేసుకుంది. ఆ దెబ్బతో హృతిక్ భార్య భారీ మొత్తం గుంజుకుని విడాకులు తీసుకుంది.

10/16/2017 - 19:48

చిన్న చిన్న పాత్రలు వేస్తూ హీరోయిన్స్‌గా ఉన్నత స్థాయికి ఎదిగిన నటీమణులు ఎందరో ఉన్నారు. సావిత్రి తొలినాళ్ళల్లో హీరోయిన్స్ పక్కన గుంపులో నటించిన సంఘటనలు ఉన్నాయి. షావుకారు జానకి చరణదాసిలో, కృష్ణకుమారి ఇలవేల్పు సినిమాలో రేలంగి సరసన నటించారు. అలాగే రాజసులోచన వంటివారు కూడా. వాణిశ్రీ, శారద వంటివారు సైతం చిన్న చిన్న పాత్రలతోపాటు హాస్యనటుల ప్రక్కన నటించి ఉన్నత శిఖరాలు అధిష్ఠించారు.

10/16/2017 - 19:47

బాబి పేరుతో దర్శకత్వం (జైలవకుశ) వహించిన కె.ఎస్.రవీంద్ర రాసిన కథగా మిస్టర్ పర్‌ఫెక్ట్‌గా టైటిల్స్ చూపించారు. కాని ఆ కథ థీమ్, కొన్ని సన్నివేశాలు తను రాసిన నవల ‘నా మనసు కోరింది నినే్న’లోనివి అంటూ కాపీ రైట్ చట్టం కింద ఆ చిత్ర నిర్మాత దిల్ రాజు, దర్శకుడు దశరథ్‌లపై రచయిత్రి శ్యామలారాణి కేసు పెట్టింది. నోటీసు అందిన తర్వాత స్పందిస్తామని దిల్‌రాజు ప్రతినిధులన్నారు. చిత్రసీమలో కాపీ లు సహజమే.

10/16/2017 - 19:46

రచయిత విజయేంద్రప్రసాద్ రాసిన కథలు ‘్భజరంగీ భారుూజాన్’, ‘బాహుబలి’ జాతీ య అంతర్జాతీయ ఖ్యాతిగాంచాయి. ఆయన పేరు చెబితే చాలు వేరే ప్రచారం అక్కరలేకుండా ఆయన రాసిన చిత్రాలు హిట్ అయిపోతాయి అంటూ ఆయన దర్శకత్వం కూడా వహించిన ‘శ్రీవల్లీ’ రిలీజ్‌కు ముందు ప్రముఖులు డబ్బాలు మోగించారు. అతి చేస్తే గతి చెడుతుందని నిరూపిస్తూ శ్రీవల్లీ ఢాం అంది! నిజానికి ఆయన దర్శకత్వం వహించిన చిత్రం ఏదీ పెద్దగా హిట్ అవలేదు.

10/16/2017 - 19:46

‘డ్రాగన్ లార్ట్’ చిత్రంలో జాకీచాన్ జియాం జీ అనే ఆట చిత్రీకరించే సమయంలో 2500 రీటేకులు తీసుకున్నాడు. ‘ఆర్మర్ ఆఫ్ గాడ్’ చిత్రం సన్నివేశంలో చెట్టుమీదనుండి ప్రమాదవశాత్తు పడి శరీరంలోని ముఖ్యమైన ఎముకలు విరిగి తీవ్రమైన ప్రమాదానికి గురియైనాడు. అతడు మరలా జన్మనెత్తి చలన చిత్రాలలో నటిస్తాడని ఎవరూ అనుకోలేదు. అది నిజంగా దైవలీల అనుకోవచ్చు. ఆయుష్షు గట్టిదైతే ఎన్ని అపాయాలు ఎదురైనా చిరంజీవిగా ఉండటం ఎంతో విశేషం!

Pages