‘జై లవకుశ’ సినిమా క్లాస్, మాస్ అందరినీ అలరిస్తూ, కుటుంబ సమేతంగా చూడదగ్గ చిత్రం అనిపించుకుంది. సింహాద్రి తరువాత ఎన్టీఆర్ వన్‌మ్యాన్ షో అయింది జైలవకుశ. ఆద్యంతం ఎన్‌టిఆర్ కడుపుబ్బ నవ్వించడమే గాక కంటతడి పెట్టించాడు. నవరసాలనూ అలవోకగా పోషించి, అందరి ప్రశంసలు అందుకుంటున్నాడు. మూడు పాత్రల నటనలో ఇంతవరకూ ఎవ్వరూ చూపించలేనంత వైవిధ్యం చూపించాడు.

పాటకంకి మురిసింది. వెనె్నలలో మెరిసింది. ఇం కా కొంచెం మెరిస్తే ఇంకా బాగా కాంతులీనేది. అదేమంటే కొమ్మినేని అప్పారావు చక్రవర్తి ఎలా అయ్యా డు. ఆయన జన్మించి చనువు చాలించినదెప్పుడు? ఇంకా మరింత లోతుకెడితే, ఆయన సంతానం ఎంత? వారికేమైనా సంగీ తం అబ్బిందా? నాకు తెలిసినంతవరకు చక్రవర్తిగా నామకరణం చేసింది దాసరి నారాయణరావు. ఈ సంగీతజ్ఞుడి శిష్యుడు కీరవాణి అని ఓ టీవీ కార్యక్రమంలో చూపారు.

తెలుగు చిత్ర పరిశ్రమలో కథానాయిక పాత్రలతో పాటు ప్రతినాయిక పాత్రలను వేసి మెప్పించిన ఎందరో ప్రముఖ నటీమణులు ఉన్నారు. భానుమతి ప్రతినాయిక పాత్ర ఉన్న తెనాలి రామకృష్ణుడు, పల్నాటియుద్ధం, పెద్దరికం వంటి పాత్రలలో అలరిపంజేశారు. తొలినాళ్ళలో అంజలీదేవి కీలుగుర్రం వంటి సినిమాల్లో నటించారు. ప్రముఖనటి సావిత్రి అభిమానం సినిమాలో ప్రతినాయిక పాత్ర ఉన్న పాత్రను పోషించారు.

ఇప్పుడు రాష్ట్రంలో మున్సిపాలిటీ, కార్పొరేషన్ వాళ్లు సినిమా థియేటర్ల వారిని సినిమా వాల్‌పోస్టర్లను ప్రభుత్వ కార్యాలయాలు, ప్రైవేట్ వ్యక్తుల నివాసాల గోడలపై అంటించడం నిషేధించారు. కొన్ని పట్టణ ప్రాంతాలలో ఈ నిషేధం అమలువలన సినిమా ప్రేక్షకులకు ఏ సినిమా ఏ థియేటర్‌లో ఆడుతుందో తెలియని విచిత్ర పరిస్థితి ఏర్పడింది.