S ,7 à 8 RSCA (si SASPAS) et 6 cialis pharmacie cialis rapports de stage.
మీ వ్యూస్
ఐటమ్ సాంగ్ అనగానే బూతు పాట అని భావిస్తారు. ఫలానా హీరోయిన్ ఈ పాటలో నటిస్తుందంటే ఆ సినిమా కోసం ఎదురు చూస్తారు. భారీ పారితోషికం కోసం హీరోయిన్లు కూడా ఈ పాటలు చేయడానికి ఎగబడుతున్నారు. ఐటమ్ సాంగ్ అంటే చీప్ భావన వుంది కాబట్టి హీరోయిన్లు వాటిని ప్రత్యేక గీతాలు అని గొప్పలు పోతున్నారు. లేని గౌరవం ఆ పాటలకు ఆపాదిస్తున్నారు.
గతంలో విజయవంతమైన పోకిరి చిత్రా న్ని అటుఇటుగా మార్చి పూరి జగన్నాథ్ బాలకృష్ణతో పైసావసూల్ అంటూ వచ్చాడు. అయితే ఆయన ప్రయత్నం దారుణంగా బెడిసికొట్టిం ది. బాలకృష్ణ తరచుగా చేసే పాత్రలకు భిన్నంగా తీర్చిదిద్దిన తేడా సింగ్ పాత్ర ఒక్కటే ఈ సినిమాలో ప్లస్పాయింట్. డిఫరెంట్ యాంగిల్లో ఆ పాత్రను డిజైన్ చేసినా నటుడి నటన, సంభాషణలు ఆకట్టుకోలేక పోయా యి. ఇక సినిమాలో కథ నిల్.
ఆచూకీ దొరకని మాఫియా డాన్. అతన్ని పట్టుకోవడంలో పోలీసు డిపార్టుమెంట్ వైఫల్యం. అలాంటి డాన్వల్ల హీరోయిన్ ఫ్యామిలీకి సమస్యలు రావడం. ఇటు హీరోయన్ ఫ్యామిలీని రక్షించడానికి, అటు పోలీస్ డిపార్ట్మెంట్ పరువు నిలపడానికి -దిగొచ్చిన దేవుడిలా హీరో ఎక్కడినుంచో ఊడిపడటం. విలన్ గ్యాంగ్ని అంతమొందించటం. కథ సుఖాంతం. -అర్థమయ్యే ఉంటుంది ఇదేదో స్టార్ హీరో సినిమా అని.
ఎప్పుడో చూసేసిన దేవదాసును ఇప్పటి కాలమాన పరిస్థితులు, ఆలోచనలకు అనుగణంగా మలకుంటే కనిపించే దృశ్యమే -అర్జున్ రెడ్డి. ఆధునిక దేవదాసును చూపించటంలో దర్శకుడు నిజాయితీగా నమ్మిన క్రియేటివిటీ వాడాడనిపించింది. ఇదొక బూతు సినిమా అనే వాళ్లను కాదనలేం. వైవిధ్యమైన సినిమా ప్రయోగంగా అభివర్ణించే వాళ్లను వద్దనలేం. అయితే, రెండు వర్గాలూ అతికిమించి అల్లరి చేస్తుండటంతో -చివరకు హిట్ టాక్ వచ్చేసింది.
కోట్లు వెచ్చించి తీస్తున్న సినిమాలు థియేటర్ల వద్ద చతికిల పడుతున్న వైనం చూస్తుంటే బాధేస్తోంది. గత వారం మూడు పెద్ద సినిమాలు వచ్చాయ. నితిన్ లై, బెల్లంకొండ జయజానకి నాయక, రానా నేనే రాజు నేనే మంత్రి చిత్రాలు ఎంతమందిని ఆకట్టుకున్నాయ. ఎంతమందికి సినిమా సంతృప్తిని మిగిల్చాయ. హిట్ రేంజ్కి చేరని సినిమాలకు కోట్ల వసూళ్ల ఎలా వస్తున్నాయ. చూస్తుంటే, తెలుగు సినిమాకు ఓ సెంటిమెంట్ నడుస్తోందేమో అనిపిస్తుంది.
వాసుకి చిత్రసమీక్ష బాగుంది. అయితే చట్టాలన్నీ తెలిసిన లాయర్ భర్త ఆధ్వర్యంలో చట్టవిరుద్ధంగా ఆత్మహత్యకు ప్రేరేపించి విలన్లను చంపే తీవ్ర న్యాయ ప్రతిపాదన సమాజానికి ఎంతో చేటు చేస్తుందని చెప్పడం సరే. అయితే చట్టాన్ని చేతుల్లోకి తీసుకొని విలన్లను హీరో చంపడం చూస్తున్నాం. అపరిచితుడు, భారతీయుడు, ఠాగూర్ లాంటి చిత్రాలే కాక హత్యచేసి తెలివిగా తప్పించుకునే దృశ్యం లాంటి చిత్రాలూ వచ్చాయి. ఇలాంటివి హిట్ అయాయి.
హీరోగా గోపీచంద్ గ్రాఫ్ అంతంతమాత్రంగానే ఉన్న టైంలో వచ్చిన సినిమా గౌతమ్నంద. టైటిల్ బావుందికానీ, సినిమా తేలిపోవడంతో గోపీచంద్ కెరీర్ క్వొశ్చన్ మార్కైంది. విడుదలకు ముందు రొటీన్ పబ్లిసిటీలాగే ఆహా ఓహో అనేసినా, థియేటర్లలో బోర్ కొట్టించాడు. తన ఈడు హీరోలతో పోటీ పడలేక జిల్ తరువాత గ్యాప్ తీసుకుని సినిమా చేసినా ఫలితం లేకపోయింది.
కొద్దికాలం క్రితం వరకు హీరోయిన్లు తమకెవరూ పోటీ కాదు. ఎవరి సినిమాలు వాళ్లకుంటాయి. ఏ పాత్రకు ఎవరు సూట్ అవుతారో వాళ్లనే తీసుకుంటారు దర్శకులు. మరి పోటీ ఎక్కడ అనేవారు. కాని ఈమధ్య ట్రెండ్ మారింది. ఒక సినిమాకు ఒక హీరోయిన్ని అనుకున్న తర్వాత ఆమెను తప్పించి మరొకరిని తీసుకునే సంఘటనలు ఎక్కువ అవుతున్నాయి. మరి పోటీ ఉన్నట్టే కదా! అప్పుడలా అన్న హీరోయిన్లు ఇప్పడు అన్ని రంగాల్లోనూ పోటీ ఉంది, ఇక్కడా ఉంది.
ఒక్కరు కాదు. ఇద్దరు కాదు. ముగ్గురు కాదు. నలుగురు హీరోలు. ‘ఐదు’కోట్ల కథను రక్తికట్టించేందుకు శక్తివంచన లేకుండా కృషి చేశారు. ఒక్క హీరో రెండు భాగాల కథను చెప్పే స్టయిల్కు భిన్నంగా -నలుగురు హీరోలు సింగిల్ పాయింట్తో మెప్పించే ప్రయత్నం చేశారు. ఏమైంది? పాతకంపు కొట్టింది. కథలో హీరో పాతకాలపు రోల్స్ రోయిస్ కారు అయినంత మాత్రాన -కథను నడపలేదుగా. నడపాల్సింది డ్రైవర్లేగా.