S ,7 à 8 RSCA (si SASPAS) et 6 cialis pharmacie cialis rapports de stage.

మీ వ్యూస్

11/06/2017 - 19:30

తన జర్నలిస్టు స్నేహితురాలు గౌరి లంకేశ్ హత్య జరిగి నెల గడిచినా ప్రధాని స్పందించనందుకు ప్రకాశ్‌రాజ్‌కి కోపం వచ్చింది. మోదీ తన కంటే పెద్ద నటుడని, తనకొచ్చిన జాతీయ అవార్డుల్ని తిప్పి పంపేస్తానని ప్రకటించాడు. ప్రకాశ్‌రాజ్ నోటి దురద అందరికీ తెలిసిందే. చెరువుమీద అలిగితే చెడేదెవరు? హత్య జరిగిన పావుగంటకే రాహుల్‌బాబు ఇది భాజపా పనే అని తేల్చేశాడు. కర్నాటక ప్రనుత్వం విచారణకు ఆదేశించింది.

11/06/2017 - 18:29

యంగ్ టైగర్ ఎన్టీఆర్ త్రిపాత్రాభినయం చేసిన జై లవకుశ సినిమా అభిమానులకు షడ్రశోపేతమైన విందు భోజనంలా అలరించింది. ఈ సినిమాకు ప్రధాన బలం ఎన్‌టిఅర్ నటనా విశ్వరూపం. ఈమధ్యకాలంలో ఇంత అద్భుతంగా అవలీలగా, అలవోకగా మూడు వైవిధ్యాలున్న పాత్రలను ఎవ్వరూ పోషించలేదనడం అక్షర సత్యం. అడుగడుగునా కన్‌ఫ్యూజన్ వున్న కథలో ఎన్టీఆర్ నటన తీసేస్తే మొత్తం సినిమా కలగాపులగంగా మారి బాక్సాఫీస్ వద్ద ఫట్ అయ్యిందనడంలో సందేహం లేదు.

11/06/2017 - 18:28

పార్టీ ప్రారంభించకుండానే కమల్‌హాసన్ రాజకీయాలాడుతున్నాడు. ఇప్పుడున్న ఏ పార్టీతోనూ సంబంధం పెట్టుకోవడం ఇష్టం లేదంటూనే కేరళ వెళ్లి వామపక్ష నేతలతో భేటీ అయ్యాడు. ఆప్ అధినేత కేజ్రీవాల్ ఆయన్ని కలిసి మంతనాలాడి వెళ్లాక కేజ్రీని కమల్ పొగిడాడు. తమిళనాట ఆయన చిత్రాలపై కేసులు పెట్టే వర్గం ఉంది. ఆయన నిర్వహించిన బిగ్‌బాస్‌పై నిరసనలు వ్యక్తం అయాయి. విసిగిపోయిన కమల్ ఒక సందర్భంలో ముంబాయికి వెళ్లిపోతానన్నాడు.

11/06/2017 - 18:27

ప్రముఖ సినీ నాటక అభ్యుదయ రచయిత అయిన యం.వి.యస్.హరనాథరావు మరణం కళాకారులకు, రచయితలకు కళాభిమానులకు తీరని దుఃఖాన్ని మిగిల్చింది. కేవలం తను నమ్ముకున్న నాటక రంగమునకు చనిపోయేవరకు సేవ చేసిన కళామణి. ఎన్నో ఎన్నో నాటకాలకు రచయితగా తాను సుపరిచితుడు. ‘జగన్నాధ రథచక్రాలు’ అనే నాటకం రచించి నటించిన మేటి కళాకారులు. మంచి సంభాషణలతో ప్రజల్లో ఆలోచనాశక్తిని పెంపొందించిన నాటక కర్త. నాటక సమాజాలు అంటే పంచప్రాణాలు.

11/06/2017 - 18:26

విద్య, వైద్యం, న్యాయ, పోలీస్ వ్యవస్థలు వాటికున్న నియమ నిబంధనల ప్రకారం నడుస్తాయి. సినిమాల్లో ఆ వ్యవస్థల్ని చూపేటప్పుడు అవి పాటించే విధి విధానాలకు వ్యతిరేకంగా చూపించకూడదు. కాని మన దర్శకులు సర్వస్వతంత్రులు కదా! వారికే రూల్స్ తెలియవు, తెలిసినా పట్టించుకోరు. ఫోన్ టాపింగ్ ప్రత్యేక పరిస్థితుల్లో పై అధికారుల ఆదేశ ఆమోదాలతో చేయాలి.

10/30/2017 - 18:53

ఎలాంటి పాత్ర అయినా అద్భుతమైన కమిట్‌మెంట్, అచంచల దీక్షతో అలవోకగా లీనమైపోయి మెప్పించడం ఈ తరం నటుల్లో జూనియర్ ఎన్టీఆర్ వంటి అతి కొద్ది నటులకే సాధ్యం. ఆ ఎన్టీఆర్‌కు వారసుడుగా వచ్చిన ఈ ఎన్టీఆర్ తానెంత గొప్ప నటుడో జై లవకుశ చిత్రం ద్వారా మెప్పించాడు. స్వంత వాళ్లే చులకనగా చూడడం వలన ఈ సమాజంపై కసితో పెరిగిన జై పాత్రని ఎన్టీఆర్ అద్వితీయంగా చేశాడు.

10/30/2017 - 18:52

తెలుగు సినీ జగత్తులో పోతన చిత్రం ఓ అద్భుత కళాఖండం. నటీ నటులందరూ ఉద్దండ పిండాలే. సంగీత సాహిత్యాలు, సంభాషణలు ఏమా త్రం పక్కదారి పట్టకుండా నిండు కుండలా అన్నీ సమపాళ్లలో కుదిరాయి. ముఖ్యంగా పోతనగా నాగయ్య నటన, సంభాషణలు పలికిన తీరు, వదనంలో అత్యంత ప్రశాంతత, ఆటుపోట్లు వచ్చినా చెరగని చిరునవ్వు, రామభద్రుని మీద అచంచల విశ్వాసం వీటన్నిటిని ఏకకాలంలో వ్యక్తీకరించడం ఆ మహానటునికే చెల్లు.

10/30/2017 - 18:51

ఆస్కార్‌లు ఆంగ్ల చిత్రాలకే పరిమితం. ఆంగ్లేతర చిత్రాలు పోటీపడేది ఉత్తమ విదేశీ చిత్రం అనే ఒక్క విభాగంలోనే. పోటీ చాలా తీవ్రంగా వుంటుంది. అంత పోటీవున్న విభాగానికి ఎలాంటి సినిమాలు పంపాలో మనవాళ్లకి తెలియకపోవడం ఆశ్చర్యం! బాహుబలిని చూసి హాలీవుడ్ షేక్ అయిపోయింది. బాలీవుడ్ బావురుమంది అని మీడియా సృష్టించిన హైప్‌ని సామాన్య ప్రేక్షకులు నమ్మవచ్చు. కానీ రాజవౌళికి తన చిత్రం సత్తా తెలియదా?

10/30/2017 - 18:51

దశాబ్దాల క్రితం రచయిత, దర్శకుడు నిర్మాత కూర్చోని చక్కగా ఆలోచించి సినిమా కథ, స్క్రీన్‌ప్లే రాసుకునేవారు. ఇప్పుడు ట్రెండ్ మారింది. ఒక హీరోకి స్క్రిప్ట్ నచ్చపోతే ఇంకో హీరోకి ఇచ్చేస్తున్నారు. మొదటి హీరో కోసం కుట్టిన దుస్తులు రెండో హీరోకి సరిపోకపోవచ్చు. కొలతలు హెచ్చుతగ్గులుంటాయి. ఆ కొలతలు సరిచేయకుండా అలాగే సినిమా తీస్తే అది ఢాం అంటుంది.

10/30/2017 - 18:50

వెనె్నలలో వచ్చిన కథతోనే కాసుల పంట వ్యాసం బాగున్నా కొన్ని అంశాల్లో విభేదించక తప్పదు. మల్లీశ్వరి, ఏకవీర లాంటి చిత్రాలు మంచి కథలున్నా ఆర్థికంగా ఫ్లాప్ అయ్యాయి. ప్రేమ్త్రన్ ధన్ పాయో, కబాలి లాంటి చిత్రాలు జనామోదం పొందకపోయిననా సూపర్ హిట్ అయ్యాయి. దేవదాసు చితానికి ఎంత ఘనమైన పేరు వచ్చినా దానికి లభించిన స్వర్ణ పతకాలు అమ్మేసి శతదినోత్సవాలు జరిపినట్టు స్వయంగా నిర్మాతే వాపోయాడు!

Pages