ఏలూరు, సెప్టెంబర్ 1 : విద్యార్ధులకు భారంగా మారిన బేస్‌మెంట్ పరీక్షలను రద్దు చేయాలని ఎమ్మెల్సీలు రాము సూర్యారావు, బొడ్డు నాగేశ్వరరావులు డిమాండ్ చేశారు. ఈ విధానాన్ని రద్దు చేయకపోతే ఆరుగురు పిడి ఎఫ్ ఎమ్మెల్సీలు కలిసి ఆమరణ దీక్ష చేస్తామని హెచ్చరించారు. స్థానిక డి ఇవో కార్యాలయం వద్ద గురువారం 13 ఉపాధ్యాయ సంఘాల ఆధ్వర్యంలో ఉపాధ్యాయ జె ఎసి ధర్నా చేపట్టింది.

జంగారెడ్డిగూడెం, సెప్టెంబర్ 1: స్థానిక ప్రభుత్వ ఏరియా ఆసుపత్రిలో చేసిన సిజేరియన్ ఆపరేషన్ వికటించి పట్టణంలోని సాలిపేటకు చెందిన బంగారు లక్ష్మి (25) మృతిచెందింది. గురువారం మృతదేహంతో ఏరియా ఆసుపత్రి ఎదుట ఆమె కుటుంబ సభ్యులు ధర్నా చేపట్టారు. వైద్యుల నిర్లక్ష్యం వల్లే లక్ష్మి మృతిచెందిందని కుటుంబ సభ్యులు ఆరోపించారు.

ఏలూరు, సెప్టెంబర్ 1: జిల్లాలో అన్ని ప్రభుత్వ పాఠశాలల్లో ప్రాధమిక స్ధాయి నుండే క్రీడలతోపాటు వృత్తివిద్యాకోర్సులపై అవగాహన కల్పించేందుకు ప్రత్యేక ప్రణాళికను పటిష్టంగా అమలుచేయాలని కలెక్టరు డాక్టరు కాటంనేని భాస్కర్ అధికారులను ఆదేశించారు. స్ధానిక కలెక్టరేట్‌లో గురువారం పాఠశాలల్లో క్రీడా, వృత్తివిద్యా కోర్సుల ప్రణాళిక అమలుపై అధికారులతో సమీక్షించారు.

ఏలూరు, సెప్టెంబర్ 1:ప్రతి మండలంలో, నియోజకవర్గంలో కాపుమేళా ఏర్పాటుచేసి లబ్దిదారులకు వెంటనే రుణాలు అందించి పధకాలను గ్రౌండింగ్ చేసేవిధంగా చర్యలు చేపట్టాలని జిల్లా కలెక్టరు డాక్టరు కాటంనేని భాస్కర్ అధికారులను ఆదేశించారు. స్ధానిక కలెక్టరేట్‌లో గురువారం లబ్దిదారులకు ఏమేరకు రుణాలు అందించింది, కార్పోరేషన్ల ద్వారా సబ్సిడీల మంజూరు తదితర అంశాలపై సమన్వయాధికారులతో ఆయన సమీక్షించారు.