కడప, జూన్ 17:జిల్లాలో వ్యవసాయాన్ని మరింతగా విస్తత్ర పరిచి లాభసాటిగా మార్చేందుకు అధికారులు చర్యలు తీసుకోవాలని జిల్లా కలెక్టర్ కెవి సత్యనారాయణ పిలుపునిచ్చారు. శుక్రవారం కొత్త కలెక్టరేట్‌లోని సభాభవన్‌లో వివిధ శాఖల అధికారులకు వర్క్‌షాప్, ఏరువాక పూర్ణిమ కార్యక్రమాన్ని నిర్వహించారు.

వేంపల్లె, జూన్ 17: సీమ నేతలు ఎందరు ఏలినా సీమ ప్రత్యేకతను గుర్తించలేదని, కనీసం ఇకనైనా ప్రత్యేక రాయలసీమను సాధించేందుకు ప్రతి ఒక్కరూ నడుం బిగించాలని రాయలసీమ పరిరక్షణా సమితి అధ్యక్షుడు బైరెడ్డి రాజశేఖర్‌రెడ్డి ఉద్వేగంతో అన్నారు. శుక్రవారం రాయలసీమ చైతన్యయాత్ర కార్యక్రమంలో భాగంగా వేంపల్లె నాలుగురోడ్ల కూడలిలో ఆయన ప్రజలనుద్దేశించి మాట్లాడారు.

కడప(కల్చరల్), జూన్ 17:నిత్యావసర ధరలను అదుపుచేయడంలో రాష్ట్రప్రభుత్వం పూర్తిగా విఫలమైందని, ధరల పెరుగుదలతో పేద, మధ్య తరగతి ప్రజలు తీవ్ర ఇబ్బందులు పడుతున్నారని జిల్లా కాంగ్రెస్ కమిటీ నగర అధ్యక్షుడు బండి జక్యరయ్య పేర్కొన్నారు. స్థానిక ఇందిరా భవన్‌లో శుక్రవారం ఏర్పాటుచేసిన విలేఖర్ల సమావేశంలో ఆయన మాట్లాడుతూ ఓ పక్క నిత్యావసర ధరలు పెరుగుతుంటే , మరో పక్క కూరగాయల ధరలు ఆకాశాన్నంటుతున్నాయన్నారు.

రైల్వేకోడూరు, జూన్ 17:మండలంలోని ఉప్పరపల్లె సమీపంలో శుక్రవారం గ్రామానికి చెందిన శివయ్య (35) రైలు క్రింద పడి మృతి చెందాడు. అయితే గ్రామం నుంచి పొలానికి కెళుతూ లైన్ దాటుతుండగా రైలు ఢీ కొన్నట్లు స్థానికులు తెలిపారు. ప్రమాదవశాత్తు జరిగిందా, ఆత్మహత్యా, హత్యా అనేది పోస్టుమార్టమ్‌లో వెల్లడవుతుందని రైల్వే పోలీసులు పేర్కొన్నారు.