మునగపాక, మే 17: తరచూ ప్రమాదాలు జరిగే జాతీయ రహదారుల భద్రతపై ప్రత్యేక దృష్టి పెడతామని ఎస్పీ రాహుల్‌దేవ్‌శర్మ పేర్కొన్నారు. మంగళవారం స్థానిక పోలీస్‌స్టేషన్ సందర్శించడానికి వచ్చిన సందర్భంగా ఆయన విలేఖర్లతో మాట్లాడారు. ఇటీవల నేషనల్ హైవేలపై తరచూ ప్రమాదాలు జరుగుతున్న విషయం తన దృష్టికి వచ్చిందని, ప్రమాదాలు నివారణకు ప్రత్యేక చర్యలు చేపడుతున్నట్లు చెప్పారు.

చోడవరం : పక్క తెలంగాణ ప్రభుత్వం అక్రమ ప్రాజెక్టులు నిర్మిస్తున్నా ముఖ్యమంత్రికి చీమకుట్టినట్లయినా లేదని వైకాపా విమర్శించింది. మంగళవారం వైకాపా అధినేత వైఎస్ జగన్‌మోహనరెడ్డి తెలంగాణా ప్రభుత్వం కృష్ణా, గోదావరి నదులపై నిబంధనలకు విరుద్దంగా నిర్మిస్తున్న అక్రమ ప్రాజెక్టులకు, రాష్ట్ర ప్రభుత్వం తీరును నిరసిస్తూ స్థానిక తహశీల్దార్ కార్యాలయం ఎదుట రిలే దీక్షలు నిర్వహించారు.

విశాఖపట్నం, మే 17: జిల్లా యంత్రాంగం నిర్లక్ష్యానికి ఫలితమే విశాఖలో తాగునీటి ఎద్దడికి కారణమని జిల్లా మంత్రి చింతకాయల అయ్యన్నపాత్రుడు మండిపడ్డారు.

మచిలీపట్నం (కోనేరుసెంటరు), మే 17: రాష్ట్రంలో మత్స్య రంగం అభివృద్ధికి ప్రభుత్వం అనేక చర్యలు చేపడుతోందని రాష్ట్ర బిసి సంక్షేమం, చేనేత, ఎక్సైజ్ శాఖ మంత్రి కొల్లు రవీంద్ర అన్నారు. ఈమేరకు రాష్ట్ర బడ్జెట్‌లో రూ.350కోట్లు కేటాయించినట్లు తెలిపారు. మండల పరిధిలోని క్యాంబెల్‌పేటలో 22 మంది మత్స్యకారులకు రూ.22లక్షల విలువైన వలలను మంగళవారం ఆయన పంపిణీ చేశారు.