అక్షరాలోచన
ఆకాంక్ష
S ,7 à 8 RSCA (si SASPAS) et 6 cialis pharmacie cialis rapports de stage.
మనిషిగా వెళ్లి
మహాత్ముడిగా తిరిగొస్తావని
అచేతన శిఖరాల మధ్య
అంతఃచేతన సాధిస్తావని
పాము కుబుసం విడిచినట్టు
అజ్ఞానాంధకారాన్ని విసర్జిస్తావని
బండరాయిలా దొర్లుతూ వెళ్లి
పాదరసంలా పరిగెత్తుకొస్తావని
చీకటి దారుల వెంట నడిచిన వాడివి
వెలుతురు బాటవై పరచుకొంటావని
ప్రతి మనిషి మనసుని తాకి
పవిత్ర భాగీరథిని చేస్తావని
మంచికీ చెడుకీ మధ్య
నిలువెత్తు గీతవై ప్రకాశిస్తావని
దేనికో ఈ కులమతాల ప్రస్తావన
సమానత్వాన్ని ప్రాణ శ్వాసగా ప్రసాదిస్తావని
పరువు హత్యల సూత్రధారుల బుద్ధికి
రక్తాణువుల విలువ తెలియపరుస్తావని
ప్రకృతి లేని పురుషుని బతుకు
నీరులేని చేప వంటిదని
ఆడపిల్లని బతికించవని బోధిస్తావని
ఎంతైనా మానవమాత్రుడివి కదా
భగవంతుడివి కాలేకపోయినా
మహానుభావుడవైనా అవుతావని!
*
Related Articles
నేనెక్కడికీ పోను
అనుక్షణం మీ వెంటే వుంటాను
పండుగగనో, పబ్బమనో
హారతినిచ్చే నదీజలాల్లోనో
ఆనందాన్ని ఆవిరిచేసే
ఆవేదనగ నిలిచిపోతాను.
మితిమీరిన వేగంలోనో
నిద్రమత్తులో జారిన క్షణంలోనో
బోరుబావిలో కూరుకుపోయిన సెకనుల్లోనో
మనోఫలకాల మందిరంలో
గతకాలపు స్మృతులు
ఆనంద నందనాలు
హాహాకార విన్యాసాలు
వేషాల కావేషాలు
బాధల గాథలు
కథల కన్నీళ్లు
చారిత్రకావశేషాలు
ఇంకా మరెన్నో నిజాలు
ఆ ప్రాభవ జ్ఞాపకాల మధ్య
పయనిస్తున్నా ముందుకు
ఆలోచిస్తూ ఈనాటి యిజాల్ని
అమ్మతనం
‘కొంటే’ దొరికేది కాదు
‘కంటే’ స్వంతమయేయది
‘నలుగురు’న్న ఇంటిలో
‘ముగ్గురు’కే అన్నం ఉంటే
తనకు ఆకలి లేదనే
‘ఒక్కరే’ అమ్మనే అమృతమూర్తి
ప్రసవం ప్రాణాంతకమని తెలిసినా
మరో ప్రాణం కోసం
తన ప్రాణం లెక్కచేయని
త్యాగ‘్ధనం’ అమ్మతనం
రొటీన్.. రొటీన్.. రొటీన్...
ఎవరికి మాత్రం పుట్టదు విసుగు...
అవి సినిమాలైనా.. జీవితాలైనా..
‘నూతనత్వం’ కోసం వెదుకులాటే
మనిషిని రాతియుగం నుండి
రాకెట్ యుగానికి తీసుకొచ్చింది కాదా..?!
చూసి చూసి... బోర్ కొడుతుంటే
‘మగధీర’ వచ్చి మత్తెక్కించలేదూ...