శామీర్‌పేట, మార్చి 13: జవహర్‌నగర్ మున్సిపాలిటీ పరిధిలోని డంపింగ్ యార్డు ప్రాంతంలో ఇద్దరు యువతులు అనుమానస్పదంగా మృతిచెందారు. కుషాయిగుడ ఏసీపీ శివ కుమార్ కథనం ప్రకారం వివరాలు ఇలా ఉన్నాయి. కరీంనగర్ జిల్లాకు చెందిన ఇద్దరు యువతులు తమ భర్తలతో గొడవ పడి శామీర్‌పేట మీదుగా స్థానికంగా తెలిసిన పాస్టర్ సహాయంతో ఇక్కడికి వచ్చారు. పాస్టర్ ఆశ్రయం కల్పించినట్లు పేర్కొన్నారు.

హైదరాబాద్, మార్చి 21: తెలంగాణ రాష్ట్రంలో కరోనా వైరస్ వ్యాప్తిని దృష్టిలో పెట్టుకొని రాష్ట్ర మానవ హక్కుల కమిషన్ కీలక నిర్ణయం తీసుకుంది. వైరస్ వ్యాప్తిని నివారించే ప్రక్రీయలో ముందు జాగ్రత్త చర్యగా మార్చి 20వ తేదీ నుంచి ఏప్రిల్ 9వ తేదీ వరకు రోజువారి ఫిర్యాదు కేసుల విచారణ వాయిదా వేసింది.

జలుమూరు, మార్చి 21: శ్రీకాకుళం జిల్లా జలుమూరు మండలంలో రాణా పంచాయతీ(కొత్తపేట)కు చెందిన కౌలురైతు సిహెచ్ శంకరరావు(36) శుక్రవారం రాత్రి కుటుంబంతోసహా ఆత్మహత్యకు పాల్పడ్డాడు. శంకరరావుతోపాటు ఆయన భార్య కళావతి(30) పెద్ద కుమార్తె గీతాంజలి(10) పురుగు మందును సేవించారు.

శామీర్‌పేట, మార్చి 21: క్వారీ గుంతలో ఈతకు వెళ్లిన ఇద్దరు బాలురు ప్రమాదవశాత్తు మృతిచెందారు. జవహర్‌నగర్ పోలీసుల కథనం ప్రకారం సీఆర్‌పీఎఫ్ ప్రాంతంలోఅరుణ్‌జ్యోతీ కాలనీలో మట్టి కోసం అక్రమంగా గుంతలను తీశారు. గుంతల్లో వర్షం నీరు చేరుకోవడంతో అదే ప్రాంతానికి చెందిన రాహుల్(9), హేమంత్ (12) అనే ఇద్దరు విద్యార్థులు ఈత కోసం వెళ్లి ప్రమాదవశాత్తు ఇరుక్కపోయారు. దీంతో ఊపిరి ఆడక ఆ క్వారీలో ప్రాణాల కోల్పోయారు.