అక్షరాలోచన
మనిషి కోసమే
S ,7 à 8 RSCA (si SASPAS) et 6 cialis pharmacie cialis rapports de stage.
Published Saturday, 7 October 2017
-డా.తిరునగరి 9705146706
ఆకలితో అలమటిస్తున్న వాణ్ణి పిలిచి
తాను తింటున్న అన్నంలో
ఇంత ముద్ద పెట్టి
ఆత్మీయతను పంచినవాడు
అతడు మనిషి
శోకంతో కన్నీరు విడుస్తున్న వాని దరిజేరి
నీకు అండగా నేనున్నానని పలికి
ఆత్మబంధువుగా కన్నీరు తుడిచేవాడు
అతడు మనిషి
నడిరోడ్డుపైన నడవలేని
వికలాంగుని చేయి పట్టుకుని
నాన్నా! నిన్ను అవతలికి దాటిస్తానని
ఆత్మీయంగా ముందుకు వచ్చినవాడు
అతడు మనిషి
చెట్ల కింద బతికే జీవితాలను చూసి
జీవుని వేదన ననుభవించి
సాటి మనిషి కోసం
శ్రమించే మానవతా మూర్తి
అతడు మనిషి
విశాల హృదయంతో
విశ్వనరుడుగా ఎదిగి
మానవాళి సంక్షేమ లక్ష్యంగా
మనుగడ సాగించేవాడు
అతడు మనిషి
మనిషిలో
మానవతా దీపాన్ని వెలిగించడమే
నా లక్ష్యం
మనిషిని
మానవోత్తమునిగా మార్చడం కోసమే
నా కవిత్వం