అక్షరాలోచన
మర మనుషులం కాదు..!
S ,7 à 8 RSCA (si SASPAS) et 6 cialis pharmacie cialis rapports de stage.
Published Friday, 20 October 2017
-కొడుకుల సూర్య సుబ్రహ్మణ్యం 9492457262
అంకిత భావంతో
అడుగు తీసి అడుగేయలేని
బలహీనులు బలోపేతం కావాలి
స్వార్థ సంకుచితత్వాలతో
చినిగిపోతున్న కాగితపు గుండెలు
విశాల హృదయ కమలాలై
మన బ్రతుకుల్లో సౌరభాలను
ఆశ్చర్యానందాల కలబోతగా
అంతటా వెదజల్లగల్గాలి
అహింసా సిద్ధాంతాన్ని గూర్చి
అరక్షణమైనా ఆలోచించగల్గాలి
త్యాగఫలాలను తనివితీరా
ఆస్వాదించే దిశలో మన పయనం
పదిమందికి ఆదర్శం కావాలి
కలల సాకారాన్ని కనులారా
వీక్షించాలన్న సంకల్పానికి
బలమైన పునాది వేయగల్గాలి
భావితరాల నీరాజనాలందుకునే
భాగ్యానికి ఎంతగానో నోచుకోవాలి
వ్యక్తిత్వ వికాసంతో
వెల్గులు విరజిమ్మగల్గాలి
అంతకుమించి
కీ ఇస్తే పని చేయడానికి
మరమనుషులం కాదని గ్రహించాలి!