అంతర్జాతీయం
ద్వైపాక్షిక సంబంధాలపై భారత్, రష్యా సమీక్ష
S ,7 à 8 RSCA (si SASPAS) et 6 cialis pharmacie cialis rapports de stage.
మాస్కో, సెప్టెంబర్ 14: వివిధ రంగాల్లో ఇరు దేశాల మధ్య కొనసాగుతున్న ద్వైపాక్షిక సంబంధాలను భారత్, రష్యా సమీక్షించాయి. భారత విదేశాంగ శాఖ మంత్రి సుష్మా స్వరాజ్ శుక్రవారం రష్యా ఉప ప్రధాని యురీ బొరిసొవ్‌తో భేటీ అయ్యారు. ఇరు దేశాల మధ్య వాణిజ్యం, పెట్టుబడులతోపాటు శాస్త్ర, సాంకేతిక, సాంస్కృతికాది రం గాల్లో ద్వైపాక్షిక సంబంధాల పురోగవృద్ధిపై చర్చించారు. ఆతర్వాత సుష్మా, బొరిసొవ్ ఇక్కడ జరిగిన సాంకేతిక, ఆర్థిక సహకారంలో ఇక్కడ జరిగిన 23వ భారత్-రష్యా ప్రభుత్వాల కమిషన్ సదస్సు (ఐఆర్‌ఐజీసీ-టెక్)లో పాల్గొన్నారు. రెండు దేశాల మధ్య సంబంధాలను సమీక్షించడంతోపాటు, సరికొత్త రంగాలను అనే్వషించడమే ఈ సదస్సు ప్రధాన లక్ష్యమని భారత విదేశాంగ మంత్రిత్వ శాఖ అధికార ప్రతినిధి రవీష్ కుమార్ ట్వీట్ చేశారు. ఐఆర్‌ఐజీసీ-టెక్ ప్రతి సంవత్సరం సమావేశమై, భారత్, రష్యా దేశాల ద్వైపాక్షిక సంబంధాలను సమీక్షిస్తుందని రవీష్ తెలిపారు. అన్ని రంగాలను పరిశీలించినప్పటికీ, వాణిజ్యం, పెట్టుబడి, సాంకేతిక రంగాలపై ప్రత్యేక దృష్టి కేంద్రీకరించినట్టు పేర్కొన్నారు. పరస్పర సహకారం పటిష్టపరచేందుకు రూపొందించాల్సిన ప్రణాళికలపై చర్చించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.