అంతర్జాతీయం
ఈశాన్య రాష్ట్రాల రోడ్లకు మహర్దశ
S ,7 à 8 RSCA (si SASPAS) et 6 cialis pharmacie cialis rapports de stage.
షిల్లాంగ్, సెప్టెంబర్ 25: ఈశాన్యరాష్ట్రాల్లో రహదారుల అభివృద్ధి, వౌలిక సదుపాయాల కల్పనకు రూ.1.90 లక్షల కోట్ల నిధులను కేంద్రం మంజూరు చేసినట్లు కేంద్రమంత్రి నితీన్ గడ్కరీ చెప్పారు. స్వాతంత్య్రం వచ్చిన తర్వాత తొలిసారిగా ఈశాన్య రాష్ట్రాల అభివృద్ధికి ప్రాధాన్యత ఇస్తూ నిధులను మంజూరు చేసిన ఘనత బీజేపీ సర్కార్‌కు దక్కుతుందని ఆయన చెప్పారు. ఈ ప్రాంతంలో 14,000 కి.మీ రోడ్లను అభివృద్ధి చేసేందుకు ప్రణాళికను ఖరారు చేసినట్లు ఆయన చెప్పారు. రెండు రోజుల పర్యటన నిమిత్తం ఆయన షిల్లాంగ్‌కు వచ్చారు. ఈశాన్యరాష్ట్రాల్లో రోడ్ల అభివృద్ధిపై ఉన్నతస్థాయి అధికారులతో సమీక్షించారు. ఈ సందర్భంగా ఆయన మాట్లాడుతూ ఈశాన్య ప్రాంతంలోని రాష్ట్రాలు భూసేకరణ, అడవులకు క్లియరెన్సు, ఆక్రమణలకు పరిష్కారాల మార్గాల విషయమై త్వరితగతిన నిర్ణయాలు తీసుకోవాలన్నారు. ఎనిమిది రాష్ట్రాల్లో 10వేల కి.మీ రోడ్ల అభివృద్ధికి 1.66లక్షల కోట్ల నిధులను వెచ్చించినట్లు చెప్పారు. అభివృద్ధి నిమిత్తం జాతీయ రహదారులు, వౌలిక సదుపాయాలు అభివృద్ధి సంస్థ్ధను ఏర్పాటు చేశామన్నారు. మరో 850కి.మీ జాతీయ రహదారుల అభివృద్ధికి రూ.7వేల కోట్లనిధులను కేటాయించామన్నారు. 2421 కి.మీ మేర పబ్లిక్ వర్క్స్ అభివృద్ధికి రూ.17,257 కోట్ల నిధులను కేటాయించామన్నారు. ప్రస్తుతం జాతీయరహదారుల అభివృద్ధి సంస్థ రూ.7వేల కోట్లతో 850 కి.మీ పొడువురోడ్డు మార్గాలను నిర్మిస్తోందన్నారు. అస్సాంలోనే నాలుగు జాతీయ రహదారులను నిర్మించినట్లు చెప్పారు. మేఘాలయలో 62 కి.మీ రోడ్డును రూ.536 కోట్లతో నిర్మిస్తున్నట్లు చెప్పారు. అస్సాంలో ఎన్‌హెచ్‌ఐడీసీఎల్‌కు 3140కి.మీ రహదారులను రూ.55,533 కోట్లతో నిర్మిస్తున్నట్లు చెప్పారు. మేఘాలయలో ఇదే సంస్థ 1295 కి.మీ రోడ్డును రూ.18,869 కోట్లతో నిర్మిస్తున్నట్లు చెప్పారు. రోడ్ల నిర్మాణంపై రాష్ట్రప్రభుత్వాలు ఎప్పటికప్పుడు సమీక్షించి క్లియరెన్సులను త్వరితగతిన మంజూరు చేయాలని ఆయన కోరారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.