అంతర్జాతీయం
మా పార్టీ గెలిస్తే షాబాజే ప్రధాని
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, జూలై 18: పాకిస్తాన్‌లో రాబోయే ఎన్నికల్లో ఒకవేళ తమ పార్టీ అధికారంలోకి వస్తే, నవాజ్ షరీఫ్ తమ్ముడు షాబాజ్ షరీఫ్‌కే ప్రధాన మంత్రి పదవి దక్కుతుందని పాకిస్తాన్ ముస్లిం లీగ్-నవాజ్ (పీఎంఎల్-ఎన్) సీనియర్ నేత, మాజీ ప్రధాని షాహిద్ ఖకాన్ అబ్బాసీ స్పష్టం చేశారు. అయితే, తుది నిర్ణయం పార్టీలో తీసుకునే నిర్ణయాన్ని బట్టి ఉంటుందని అన్నారు. అక్రమార్జన, అధికార దుర్వినియోగం వంటి ఆరోపణలను ఎదుర్కొంటున్న మాజీ ప్రధాని నవాజ్ షరీఫ్ ప్రస్తుతం పదేళ్ల జైలు శిక్షను ఎదుర్కొంటున్న విషయం తెలిసిందే. గత ఏడాది జూలై మాసంలోనే అతనిని పాక్ ఎన్నికల్లో పోటీ చేయడానికి వీల్లేదని సుప్రీం కోర్టు ఆదేశించింది. దీనితో, నవాజ్ పార్టీ గెలిచినప్పటికీ, అతను ప్రధానిగా ఎన్నికయ్యే అవకాశం లేదని న్యాయ నిపుణులు అంటున్నారు. ఒకవేళ మార్గాలు ఏర్పడి, నవాజ్ ప్రధానిగా బాధ్యతలు తీసుకోవడానికి వీలైతే, అతనికే పగ్గాలు దక్కుతాయి. ఆ అవకాశం లేకపోతే, ప్రధాని పదవి కోసం పీఎంఎల్-ఎన్‌లో చాలా మంది పోటీదారులు ఉన్నారని, వారిలో అబ్బాసీ కూడా ఒకరని వార్తలు వచ్చాయి. అయితే, ఈ అనుమానాలను అబ్బాసీ బుధవారం ఒక ఇంటర్వ్యూలో తోసిపుచ్చారు. తమ పార్టీ గెలిస్తే, నవాజ్ సోదరుడు, పార్టీలో సీనియర్ నాయకుడు షాబాజ్‌నే ఆ పదవికి ఎన్నుకునే అవకాశాలున్నాయని అన్నారు. పార్టీలో చర్చ జరిగి, అందరి అభిప్రాయాలను సేకరించిన తర్వాతే తుది నిర్ణయం తీసుకుంటామని అన్నారు. ప్రస్తుతానికి ప్రధాన మంత్రి పదవికి షాబాజ్ మాత్రమే రేసులో ఉన్నట్టు స్పష్టం చేశారు. రాబోయే పార్లమెంటు ఎన్నికల్లో తమ పార్టీకే ప్రజలు పట్టం కడతారని ధీమా వ్యక్తం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.