అధిక ఫీజులపై ఎబివిపి నిరసన

హైదరాబాద్: ప్రైవేటు స్కూళ్లలో అధిక ఫీజులను నియంత్రించాలని కోరుతూ ఎబివిపి కార్యకర్తలు శనివారం నాడు నగరంలోని పాఠశాల విద్య కమిషనర్ కార్యాలయం వద్ద ఆందోళకు దిగారు. ప్రభుత్వ ఉదాసీనత వల్ల ప్రైవేటు విద్యాసంస్థలు ఇష్టారాజ్యంగా డబ్బులు దోచుకుంటున్నాయని, ఫీజులను నియంత్రించకుంటే తమ పోరాటాన్ని తీవ్రతరం చేస్తామని వారు హెచ్చరించారు. కమిషనర్ కార్యాలయంలోనికి దూసుకుపోయేందుకు ప్రయత్నించిన కొంతమంది ఆందోళనకారులను పోలీసులు అరెస్టు చేశారు.