అంతర్జాతీయం
అధ్యక్ష పదవికి అనర్హుడు
S ,7 à 8 RSCA (si SASPAS) et 6 cialis pharmacie cialis rapports de stage.
వ్యాలీ ఫోర్జ్/ సాన్‌ఫోర్డ్ (అమెరికా), నవంబర్ 2: అమెరికా అధ్యక్ష ఎన్నికలు దగ్గర పడటంతో డెమొక్రటిక్ పార్టీ అభ్యర్థి హిల్లరీ క్లింటన్ తన ప్రత్యర్థి, రిపబ్లికన్ పార్టీ అభ్యర్థి డొనాల్డ్ ట్రంప్‌పై దాడిని తీవ్రం చేశారు. అసలు అమెరికా అధ్యక్ష పదవికి ట్రంప్ తగడని, అతనికి ఆ పదవి చేపట్టే అర్హతే లేదని ఆమె విరుచుకుపడ్డారు. మరోవైపు, ట్రంప్ మాత్రం తాను అధ్యక్షుడిగా ఎన్నికయితే చేయబోయే కార్యక్రమాలను ప్రజలకు వివరించారు. తాను రాజకీయ నాయకుడిని కాదని, తనకు ఎంతో మంచి చేసిన ఈ దేశానికి తిరిగి సేవ చేయడానికే అధ్యక్ష ఎన్నికల్లో పోటీ చేస్తున్నానని ఆయన పేర్కొన్నారు. ఎలాగయినా అధ్యక్షురాలిగా ఎన్నిక కావాలని తీవ్రంగా ప్రయత్నిస్తున్న హిల్లరీ క్లింటన్ అందుకోసం తనకు గల గత మూడు దశాబ్దాల రాజకీయ అనుభవాన్ని గట్టిగా ముందుకు తెచ్చారు. ఫ్లోరిడాలోని ఓర్లాండోకు పశ్చిమాన 112 కిలో మీటర్ల దూరంలో గల డేల్ సిటీలో నిర్వహించిన ఒక ఎన్నికల సభలో హిల్లరీ మాట్లాడుతూ ‘నేను నా రాజకీయ జీవితాన్ని పిల్లలు, కుటుంబాల సమస్యలపై పోరాడటానికి కేటాయించాను. సెనేట్ సభ్యురాలిగా పనిచేశాను. సైనిక బలగాల సేవల కమిటీపై ఏర్పాటు చేసిన సెనేట్ కమిటీలో పనిచేశాను. ఒసామా బిన్ లాడెన్‌ను న్యాయం ముందు నిలబెట్టినప్పుడు దానికి సంబంధించి నిర్ణయాలు తీసుకోవడంలో, పర్యవేక్షించడంలో నేను కీలకపాత్ర పోషించాను’ అని అన్నారు. ‘మీ విదేశాంగ మంత్రిగా, మీకు ప్రాతినిధ్యం వహిస్తూ 112 దేశాలలో పర్యటించి, స్నేహితులతోనూ, శత్రువులతోనూ చర్చలు జరిపాను. మీరు అవకాశమిస్తే అధ్యక్షురాలిగా సేవ చేయడానికి సిద్ధంగా ఉన్నాను’ అని హిల్లరీ ప్రజలను ఉద్దేశించి అన్నారు.
డొనాల్డ్ ట్రంప్ పెన్సిల్వేనియాలోని వ్యాలీఫోర్జ్‌లో ఎన్నికల ప్రచారంలో పాల్గొంటూ తన ఉపన్యాసంలో ఆరోగ్య సంరక్షణ రంగంపై కేంద్రీకరించారు. ప్రమాదకరమైన ఒబామాకేర్ పథకాన్ని రద్దు చేయకుంటే అది అమెరికా ఆరోగ్య సంరక్షణ విధానాన్ని నాశనం చేస్తుందని ప్రజలను హెచ్చరించారు. తాను అధ్యక్షుడిగా ఎన్నికయితే ఈ ఒబామాకేర్ పథకాన్ని రద్దు చేయడానికి ప్రత్యేకంగా సమావేశం కావలసిందిగా కాంగ్రెస్‌ను కోరుతానని ఆయన హామీ ఇచ్చారు.
2,700 పేజీలు ఉన్న ఒబామాకేర్ పథకం గురించి ఎవరూ చదవలేదని, డెమొక్రాట్లు కూడా ఒబామాను నమ్మి ఆ పథకానికి మద్దతు ఇచ్చారని ట్రంప్ అన్నారు. దేశానికి కొత్త నాయకత్వాన్ని ఎన్నుకోవడానికి ఇది సరయిన సమయమని ఆయన అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.