అంతర్జాతీయం
మళ్లీ.. అక్కసు కక్కిన ట్రంప్
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, డిసెంబర్ 10: జీవనోపాధి కోసం పొట్ట చేతబట్టుకుని అమెరికాలో అడుగిడుతున్న విదేశీయులపై పదేపదే అక్కసు వెళ్లగక్కుతున్న ఆ దేశ తదుపరి అధ్యక్షుడు డొనాల్డ్ ట్రంప్ మరోసారి తన నైజాన్ని చాటుకున్నాడు. అమెరికాలోని సంస్థల్లో స్థానికులకు బదులుగా విదేశీయులను ఉద్యోగాల్లో చేర్చుకోవడాన్ని అనుమతించే ప్రసక్తే లేదని ఆయన తేల్చి చెప్పాడు. అమెరికన్లను కాకుండా భారతీయులతో పాటు హెచ్-1బి వీసాలను కలిగివున్న ఇతర విదేశీయులను ఉద్యోగులుగా చేర్చుకుంటున్న డిస్నీ వరల్డ్ లాంటి స్థానిక కంపెనీలను పరోక్షంగా ప్రస్తావిస్తూ ట్రంప్ ఈ విషయాన్ని స్పష్టం చేశాడు. లోవాలో గురువారం ట్రంప్ తన మద్దతుదారులను ఉద్దేశించి ప్రసంగిస్తూ, దేశంలో ప్రతి అమెరికన్ జీవితాన్ని కాపాడేందుకు శక్తివంచన లేకుండా కృషి చేస్తానని చెప్పాడు. ‘అధ్యక్ష ఎన్నికల ప్రచార సమయంలో కూడా నేను ఉద్యోగాలు కోల్పోయి బలవంతంగా శిక్షణలోకి నెట్టబడిన అమెరికన్ కార్మికులతోనే గడిపా. వారి సాధక బాధకాలేమిటో నాకు తెలుసు. విదేశీ కార్మికుల వల్లనే వీరంతా ఉద్యోగాలు కోల్పోయారు. ఇకముందు ఇలా జరగనివ్వబోను’ అంటూ వేలాది మంది మద్దతుదారుల కరతాళ ధ్వనుల మధ్య ట్రంప్ శపథం చేశాడు. ‘మీ ఉద్యోగాలు పోతాయని, ఆ తర్వాత స్థానంలో ఉద్యోగాలు పొందుతున్న విదేశీయులకు మీరు శిక్షణ ఇవ్వకపోతే మీకు ఉద్యోగ నష్టపరిహారాన్ని (సెవరెన్స్ పే) కూడా చెల్లించరని మీరు ఎప్పుడైనా ఊహించారా? కానీ ప్రస్తుతం అమెరికాలోని చాలా స్థానిక కంపెనీల్లో జరుగుతున్నది అదే. ఇకముందు అలా జరగనిచ్చే ప్రసక్తే లేదు’ అని ట్రంప్ ప్రకటించాడు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.