అంతర్జాతీయం
జపాన్‌ను ముంచేస్తాం.. అమెరికాను బూడిదచేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
పోంగ్యాంగ్, సెప్టెంబర్ 14: వరుస క్షిపణి ప్రయోగాలు జరుపుతూ, పొరుగు దేశాలతో కయ్యానికి కాలుదువ్వుతున్న ఉత్తర కొరియాపై ఐరాస ఆంక్షలు విధించడంలో కీలకపాత్ర వహించిన అమెరికా, జపాన్‌లపై ఉత్తర కొరియా ప్రభుత్వం తీవ్రంగా మండిపడింది. జపాన్‌ను ముంచేస్తామని, అమెరికాను బూడిద చేస్తామంటూ హెచ్చరించింది. గత నెల చివర్లో జపాన్‌లోని హొక్కయిడా దీవిని లక్ష్యంగా చేసుకుని మధ్య తరహా బాలిస్టిక్ క్షిపణిని ప్రయోగించిన తర్వాత ఉత్తర కొరియా జపాన్‌కు ఇంత తీవ్రస్థాయిలో హెచ్చరిక చేయడం ఇదే తొలిసారి. ‘జపాన్ ఇక ఎంతమాత్రం మా పొరుగున ఉండడానికి అర్హురాలు కాదు. ఒక్క అణు బాంబుతో జపాన్‌కు చెందిన నాలుగు దీవులను ముంచేస్తాం’ అని బయటి ప్రపంచంతో ఉత్తర కొరియా సంబంధాలను పర్యవేక్షించే కొరియా ఆసియా-పసిఫిక్ పీస్ కమిటీ ఒక ప్రకటనలో పేర్కొంది. ఉత్తర కొరియా అధికారిక వార్తాసంస్థ కెసిఎన్‌ఏ ఈ ప్రకటనను యథాతథంగా విడుదల చేసింది. అమెరికా ప్రధాన భూభాగాలను బూడిద చేసేస్తామని, దాన్ని అంధకారంలో పడవేస్తామని, ఇందుకోసం తాము సముపార్జించుకున్న అన్ని వనరులను ఉపయోగిస్తామని కమిటీ ఆ ప్రకటనలో హెచ్చరించింది. కాగా, ఉత్తర కొరియా చేసిన ప్రకటనపై జపాన్ ప్రభుత్వ ప్రతినిధి యోషిహిడో సుగా స్పందిస్తూ ఇది అత్యంత తీవ్రమైన రెచ్చగొట్టే ప్రకటన అని వ్యాఖ్యానించారు.
పర్వతమే కుంగిపోయింది
ఈ నెల 3న ఉత్తర కొరియా జరిపిన అణు పరీక్ష ఎంతో శక్తివంతమైందని, దాని తీవ్రతకు ఈ ప్రయోగం జరిపిన సొరంగాల పైన ఉన్న పర్వత శిఖరం అమాంతంగా 85 ఎకరాల మేర కుంగిపోయిందని తాజాగా ఒక రాడార్ ఉపగ్రహం తీసిన చిత్రాలను బట్టి తెలుస్తోంది. ఇదివరకు అణు పరీక్షలు జరిపిన వౌంట్ మంతాప్ పర్వతం అడుగున ఉన్న సొరంగాల్లోనే ఉత్తర కొరియా తాజా అణు పరీక్షను కూడా జరిపింది. ఈ అణు పరీక్ష జరపడానికి ముందు ఈ పర్వతం 2,205 మీటర్ల ఎత్తు ఉండగా, పరీక్ష తర్వాత దాని ఎత్తు గణనీయంగా తగ్గిపోయిందని కాలిఫోర్నియాలోని ‘జేమ్స్ మార్టిన్ సెంటర్ ఫర్ నాన్ ప్రొలిఫికేషన్ స్టడీస్’లో తూర్పు ఆసియా ప్రోగ్రామ్ చీఫ్ జేమ్స్ మార్టిన్ తెలిపారు. ‘ఎయిర్ బస్’ అనే స్పేస్ టెక్నాలజీ సంస్థ తన ‘టెర్రా-ఎక్స్’ శాటిలైట్‌ను ఉపయోగించి ఈ చిత్రాలను తీసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.