అంతర్జాతీయం
అహంకారపూరితమే
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, సెప్టెంబర్ 26: పాకిస్తాన్‌ను ఉద్దేశించి భారత విదేశాంగ మంత్రి సుష్మా స్వరాజ్ చేసిన వ్యాఖ్యలను చైనా మీడియా ఎద్దేవా చేసింది. పాకిస్తాన్ ఉగ్రవాదులను తయారు చేసే దేశం అంటూ ఐరాస జనరల్ అసెంబ్లీలో స్వరాజ్ ఎండగట్టిన సంగతి తెలిసిందే. ‘పాకిస్తాన్‌లో ఉగ్రవాదం ఉన్నమాట వాస్తవమే. అయితే ఆ దేశాన్ని ఉద్దేశించి సుష్మా స్వరాజ్ చేసిన వ్యాఖ్యలు దురహంకార పూరితం’ అని ప్రభుత్వ మీడియా ‘చైనా డైలీ’ ఆరోపించింది. భారత్ మేధావులను, డాక్టర్లను, ఇంజనీర్లను తయారు చేస్తుంటే పాకిస్తాన్ ఉగ్రవాదులకు అడ్డాగా మారిందని సుష్మాస్వరాజ్ ధ్వజమెత్తారు. పాకిస్తాన్‌పై ఓ అభిప్రాయానికి వచ్చేసిన భారత్ మూఢవిశ్వాసంతో నిందాపూరితంగా వ్యవహరిస్తోందని చైనా డైలీ సంపాదకీయంలో తప్పుపట్టింది. ‘పాకిస్తాన్‌లో ఉగ్రవాదం ఉన్నమాట వాస్తవమే. అలాగే ఈ దేశం దాన్నొక జాతీయ విధానంగా చేసుకుందని విమర్శించడం సరైందికాదు. ఉగ్రవాదం వల్ల పాకిస్తాన్‌కు ఒనగూరేది ఏముంది? ఉగ్రవాదులను ఎగుమతి చేయడంవల్ల డబ్బు లేదా గౌరవం వస్తుందా?’ అంటూ గ్లోబల్ టైమ్స్ నిలదీసింది. ఆర్థికంగానూ, విదేశీ సంబంధాల్లోనూ ఇటీవల పాక్ కాస్త గాడిలోనే పడింది. అయితే భారత్ మాత్రం ఉద్దేశపూరితంగా, అహంభావంతో వ్యవహరిస్తోంది’ అని విమర్శించింది. భారత్‌కు నిజమైన స్నేహితుడిగా పాకిస్తాన్‌ను గౌరవిస్తామని, విభేదాలుంటే పరస్పర చర్చలద్వారా పరిష్కరించుకోవాలని చైనా విజ్ఞప్తి చేసింది. జైషే మహ్మద్ చీఫ్ మసూద్ అజార్‌ను అంతర్జాతీయ ఉగ్రవాదిగా ప్రకటించకుండా ఐరాసలో చైనా మోకాలొడ్డుతోందన్న భారత్ ఆరోపణలు బీజింగ్ తోసిపుచ్చింది. పొరుగు దేశాలతో ద్వైపాక్షిక సంబంధాలు నెరపడానికి తాము ప్రాధాన్యత ఇస్తామని ప్రకటించిన చైనా ‘73 రోజుల డోక్లాం వివాదం పరిష్కారమైంది. దీనికి మేం ఎంతో చొరవ చూపాం’ అని సంపాదకీయంలో పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.