అంతర్జాతీయం
ఉత్తర కొరియాపై ఏ క్షణంలోనైనా సైనిక దాడి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, సెప్టెంబర్ 27: ఉత్తర కొరియాపై ఏ క్షణంలోనైనా సైనిక దాడి చేసేందుకు తాము సిద్ధంగా ఉన్నామని అమెరికా అధ్యక్షుడు డొనాల్డ్ ట్రంప్ ప్రకటించారు. క్షిపణి, అణు పరీక్షల విషయంలో ఉత్తర కొరియాను దారిలోకి తెచ్చేందుకు అన్ని ప్రయత్నాలు విఫలమైన నేపథ్యంలో ఇక సైనిక చర్యే మిగిలిందన్న సంకేతాలను ఆయన అందించారు. ఇందుకు అమెరికా పూర్తి సన్నద్ధంగా ఉందని స్పష్టం చేసిన ట్రంప్ ఈ పోరాటంలో బాధ్యతాయుతమైన దేశాలన్నీ చేతులు కలపాలని పిలుపునిచ్చారు. ఉత్తర కొరియాను పూర్తిగా అణుపరంగా నిర్వీర్యంగా చేసేందుకు, ఆ విధంగా ఏకాకిని చేసేందుకు పూర్తి సహకారం అందించాలని ఆయన కోరారు. అమెరికా బాంబర్లను కూల్చి వేసి మరీ తమ దేశాన్ని కాపాడుకుంటామంటూ ఉత్తర కొరియా హెచ్చరించిన నేపథ్యంలో ట్రంప్ తీవ్రస్వరంతో ఈ ప్రకటన చేశారు. సైనిక చర్య అన్నది తాము ప్రాధాన్యత ఇస్తున్న అంశం కాకపోయినా అందుకు పూర్తి సన్నద్ధంగా ఉన్నామని, ఒక వేళ అదే జరిగితే ఉత్తర కొరియా పూర్తిగా ధ్వంసమై పోతుందని ట్రంప్ చెప్పారు. పరిస్థితులు అంతదాకా వెళితే మాత్రం వెనుదిరిగేది లేదన్న సంకేతాలను స్పెయిన్ ప్రధాని మారియాతో కలిసి నిర్వహించిన సంయుక్త మీడియా సమావేశంలో ట్రంప్ స్పష్టం చేశారు. ఉత్తర కొరియా అధినేత కిమ్ జోంగ్ దారుణంగా ప్రవర్తిన్నారని, ఎవరూ చేయని ప్రకటనలు చేస్తూ పరిస్థితిని దిగజారుస్తున్నారని ట్రంప్ అన్నారు. ఉత్తర కొరియాను పాతికిళ్ల క్రితమో,ఇరవై ఏళ్ల క్రితమో, కనీసం అయిదేళ్ల క్రితమో అదుపులోకి తెచ్చి ఉంటే ఈ రకమైన పరిస్థితి తలెత్తి ఉండేది కాదన్నారు. ‘ఇప్పటివరకు వచ్చిన అమెరికా అధ్యక్షులందరూ ఆ పని చేయకుండా ఈ భారాన్ని నాపై వేశారు’ అని ట్రంప్ అన్నారు. ఉత్తర కొరియా అణ్వాయుధాలు, క్షిపణి కార్యక్రమాలు మొత్తం ప్రపంచానికే తీవ్ర నష్టం కలిగిస్తుందని హెచ్చరించారు. ఈ పరిస్థితి రాకుండా అన్ని దేశాలు బాధ్యతాయుతమైన రీతిలో ముందుకు రావాలన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.