అంతర్జాతీయం
పాక్‌ది పాడిందే పాట!
S ,7 à 8 RSCA (si SASPAS) et 6 cialis pharmacie cialis rapports de stage.
ఐరాస, అక్టోబర్ 10: అజెండాలో లేకపోయినా ఐరాస జనరల్ అసెంబ్లీలో కాశ్మీర్ అంశాన్ని పదేపదే లేవనెత్తడంపై భారత్ తీవ్ర అభ్యంతరం వ్యక్తం చేసింది. పొరుగుదేశంపై లేనిపోని ఆరోపణలు చేయడం ద్వారా చరిత్రను వక్రీకరించాలని చూస్తున్నారని పాకిస్తాన్ శాశ్వత ప్రతినిధి మలేహా లోధీపై భారత్ నిప్పులు చెరిగింది. ఐరాస ప్రతి సమావేశంలోనూ కాశ్మీర్‌పై పాక్ అవాస్తవాలు మాట్లాడుతోందని ఐరాసలో భారత శాశ్వత మిషన్ అధికారి శ్రీనివాస్ ప్రసాద్ ధ్వజమెత్తారు. దీర్ఘకాలంగా పరిష్కారానికి నోచుకోని అంశాన్ని అంతర్జాతీయ వేదికపై పదేపదే లేవనెత్తుతూ ప్రయోజనం పొందాలని చూస్తోందని విమర్శించారు. ఐరాసలో లోధీ చేస్తున్న ఆరోపణలు దురుద్దేశంతో కూడుకున్నవని అన్నారు. బుట్టదాఖలైన తీర్మానాలు ప్రస్తావిస్తూ అజెండాలో లేని అంశాలను పట్టుకుని వేలాడుతోందని ప్రసాద్ విరుచుకుపడ్డారు. అసలు సమస్యను పక్కనబెట్టేందుకు పాకిస్తాన్ ప్రయత్నిస్తోందంటూ భారత్ ఎదురుదాడికి దిగింది. అంతకు ముందు జనరల్ అసెంబ్లీలో మాట్లాడిన పాకిస్తాన్ అధికారి లోధీ జమ్మూకాశ్మీర్ భారత్‌లో అంతర్భాగం కాదని ఆరోపించారు. అక్కడ ప్రజల హక్కులు హరిస్తున్నారంటూ భారత్‌పై విమర్శలు చేశారు. సమస్య పరిష్కారంపై వారికి చిత్తశుద్ధిలేదని అనేక తీర్మానాలను భారత్ బేఖాతరు చేస్తోందని లోధీ పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.