అంతర్జాతీయం
ఇలాగైతే లైసెన్సులు రద్దే
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, అక్టోబర్ 12: అమెరికా అధ్యక్షుడు డొనాల్డ్ ట్రంప్ దేశంలోని ప్రధాన మీడియా సంస్థలపై కనె్నర్ర చేశారు. తన ప్రభుత్వం చేపట్టిన అణు విధానాన్ని విమర్శిస్తూ కథనాలు ప్రసారం చేసిన మీడియా నెట్‌వర్క్‌లపై తీవ్ర అసహనం వ్యక్తం చేసిన ట్రంప్ లైసెన్సులు రద్దుచేస్తామని హెచ్చరించారు. తప్పుడు వార్తలు ప్రసారం చేస్తే ఉపేక్షించేది లేదు, ఎలాంటి ఆధారాలు లేకుండా వార్తా కథనాలు ఇస్తే చర్యలు తప్పవని ఆయన తెలిపారు. అమెరికా అధ్యక్షుడు ట్రంప్ ఆయన మద్దతుదారులు ఇటీవల మీడియాలో వస్తున్న వార్తలపై విరుచుకుపడుతున్నారు. ఎలాంటి ఆధారాలు లేని కల్పిత కథనాలు జనంలోకి వదలుతున్నారని వారు ఆరోపిస్తున్నారు. అణ్వాయుధాగారాలు పెంచుతూ ట్రంప్ ప్రభుత్వం తీసుకున్న నిర్ణయాన్ని ప్రముఖ మీడియా సంస్థ ఎన్‌బిసి ప్రసారం చేసిన వార్తపై అధ్యక్షుడు తీవ్ర ఆగ్రహం వక్తం చేశారు. ఎన్‌బిసిలో వచ్చిన కథనాలన్ని ‘వండివార్చినవే’ అని ట్రంప్ విమర్శించారు. ‘ఎన్‌బిసి ప్రసారం చేసే వార్తా కథనాలన్నీ అభూతకల్పన, నకిలీలే. ఆ మీడియా సంస్థ లైసెన్సు ఎందుకు రద్దుచేయకూడదు? దేశానికి చెడ్డపేరు తెస్తున్న మీడియా సంస్థలపై చర్యలు ఎందుకు తీసుకోకూడదు?’ అంటూ ట్రంప్ తీవ్ర ఆగ్రహాన్ని ప్రదర్శించారు. ‘అవి ముమ్మాటికీ బోగస్ వార్తలే. అలాంటి వాటిని ప్రసారం చేస్తున్న మీడియా సంస్థల లైసెన్సులను రద్దు చేయాల్సిందే’ అని ట్రంప్ ట్వీట్ చేశారు. దేశ భద్రత కోసమే అణ్వాయుధాగారాల సంఖ్యను పెంచాలన్న నిర్ణయం తీసుకుంటే పనిగట్టుకుని విమర్శిస్తారా అంటూ అమెరికా అధ్యక్షుడు మండిపడ్డారు.
చిత్రం..అమెరికా పర్యటనకు వచ్చిన కెనడా ప్రధాన మంత్రితో అధ్యక్షుడు డొనాల్డ్ ట్రంప్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.