అంతర్జాతీయం
ఇమ్రాన్‌కు అరెస్టు వారెంట్
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, అక్టోబర్ 12: ఎన్నికల కమిషన్‌పై అనుచిత ఆరోపణలు చేసిన పాకిస్తాన్ ప్రతిపక్షనేత, తెహ్రీక్ ఎ ఇన్ఫాస్ అధ్యక్షుడు ఇమ్రాన్‌ఖాన్ చిక్కుల్లో పడ్డారు. జనవరి 24న మాజీ క్రికెటర్ ఖాన్‌కు పాకిస్తాన్ ఎన్నికల సంఘం నోటీసులు జారీ చేసింది. ఎన్నికల సంఘం తమపై పక్షపాతం చూపుతోందని చేసిన వ్యాఖ్యలు తీవ్ర సంచలనం రేపాయి. ఖాన్ ఆరోపణలను తీవ్రంగా పరిగణించిన చీఫ్ ఎలక్షన్ కమిషనర్ సారథ్యంలో ఐదుగురు కమిషనర్ల బెంచ్ విచారించింది. ఈ నెల 26 విచారణ కమిషన్ ఎదుట హాజరుకావాలని ఆదేశించిన కమిటీ, 64 ఏళ్ల ఇమ్రాన్‌ఖాన్‌కు అరెస్టు వారెంట్ జారీ చేసింది. తెహ్రీక్ ఎ ఇన్ఫాఫ్ అధ్యక్షుడు ఖాన్‌పై అరెస్టు వారెంట్ జారీ అయిందని జియో వార్త సంస్థ వెల్లడించింది. ఇలా ఉండగా ఇసి ఆదేశాలను హైకోర్టులో సవాల్ చేస్తానని ఖాన్ ప్రకటించారు. కాగా ఇదే కేసులో గత నెల 14 ఎన్నికల సంఘం ఆయనపై బెయిలబుల్ వారెంట్ జారీ చేసింది. దీన్ని తెహ్రీక్ పార్టీ 20న ఇస్లామాబాద్ హైకోర్టులో సవాల్ చేసింది. ఇసిని ఉద్దేశించి చేసిన వ్యాఖలపై తన క్లయింట్ గతంలోనే క్షమాపణ కోరినందున వారెంట్ రద్దుచేయాలని ఖాన్ తరఫున న్యాయవాది బాబర్ అవాన్ కోర్టును అభ్యర్థించారు. ఇప్పుడు ఎలాంటి వివాదం లేదని, సమస్య పరిష్కారమైపోయిందని ఆయన చెప్పారు. ఎన్నికల కమిషన్ జారీచేసిన షోకాజ్ నోటీసు ఉపసంహరించుకోవాలని ఆయన కోరారు. విదేశీ విరాళాలకు సంబంధించిన కేసులో ఇసిపై ఇమ్రాన్‌ఖాన్ అంభ్యతరకరమైన వ్యాఖ్యలు చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.