అంతర్జాతీయం
కాశ్మీర్ ప్రజల స్వేచ్ఛే లక్ష్యం
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, నవంబర్ 24: ముంబ యి దాడుల సూత్రధారి, జమాత్ ఉద్ దవా అధినేత హఫీజ్ సరుూద్ మరోసారి భారత్‌పై విషం కక్కారు. గృహ నిర్బంధం నుంచి గురువారం అర్ధరాత్రి విడుదలైన వెంటనే ఆయన కాశ్మీర్ అంశాన్ని అందిపుచ్చుకుని భారత్ వ్యతిరేకంగా తీవ్రస్థాయిలో రెచ్చగొట్టే వ్యాఖ్యలు చేశారు. కాశ్మీర్ విముక్తి కోసం ప్రజలను సమీకరిస్తానని హెచ్చరించారు. మరోపక్క మరే కేసులోనూ సరుూద్‌ను నిర్బంధంలోకి తీసకునే ప్రసక్తి లేదని పాకిస్తాన్ తెగేసి చెప్పడంతో భారత వ్యతిరేక వ్యాఖ్యలతో ఆయన మరింతగా రెచ్చిపోయారు. మరికొన్ని గంటల్లో 26/11 ఉగ్రదాడి 9వ సంవత్సరంలోకి అడుగు పెడుతున్న తరుణంలో దానికి పన్నాగం పన్నిన హఫీజ్ సరుూద్‌ను భారత్ డిమాండ్ ప్రకారం శిక్షించాల్సింది పోయి పాక్ ప్రభుత్వం ఆయనను విడుదల చేయడం దిగ్భ్రాంతి కలిగిస్తోంది. 166 మంది మరణానికి కారణమైన ముంబయి దాడి కుట్రదారులను విచారించి శిక్షించాలని భారత్ అనేక మార్లు డిమాండ్ చేసినా పాక్ పెడచెవిన పెట్టింది. ముఖ్యంగా జమాత్ ఉద్ దవా అధినేత సరుూద్, అలాగే లష్కరే తోయిబా కమాండర్ లఖ్వీలను చట్టప్రకారం శిక్షించాలని డిమాండ్ చేయడంతో పాటు ముంబయి దాడులకు సంబంధించి ఈ ఇద్దరి ప్రమేయాన్ని తిరుగులేని రీతిలో రుజువు చేసే ఆ సాక్ష్యాధారాలను కూడా పాక్‌కు భారత్ అందించింది. పది నెలల గృహనిర్బంధం నుంచి విడుదలైన సరుూద్ తన ఇంటిముందే మద్దతుదారులనుద్దేశించి మాట్లాడారు. ‘కాశ్మీర్ విముక్తి పోరాటాన్ని కొనసాగించి తీరతా.. ఇందుకోసం దేశ ప్రజల మద్దతును సమీకరిస్తా.. ఆ విధంగా కాశ్మీర్ ప్రజల స్వేచ్ఛా లక్ష్యాన్ని సాకారం చేస్తా..’ అని ప్రకటించారు. మరోపక్క సరుూద్‌ను వెంటనే అదుపులోకి తీసుకోవాలని పాక్ ప్రభుత్వానికి అమెరికా విజ్ఞప్తి చేసింది. భారత్ కూడా ఈ పరిణామంపై ఇప్పటికే తీవ్రంగా స్పందించడంతో పాటు పాకిస్తాన్ ఉగ్రవాద విధానానికి సరుూద్ విడుదల తిరుగులేని తార్కాణమని ధ్వజమెత్తింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.