అంతర్జాతీయం
మదర్సాలో మృత్యుఘోష
S ,7 à 8 RSCA (si SASPAS) et 6 cialis pharmacie cialis rapports de stage.
కుందుజ్ (ఆఫ్గానిస్తాన్), ఏప్రిల్ 3: ఆఫ్గానిస్తాన్‌లోని కుందుజ్ ప్రావిన్స్‌లోని ఒక మదర్సాపై జరిగిన వైమానిక దాడిలో భారీ ప్రాణనష్టం సంభవించింది. కనీసం 70 మంది మరణించి ఉంటారని ప్రాథమిక సమాచారం. మృతుల్లో చిన్నారులు ఎక్కువగా ఉన్నారు. దస్త్-ఇ-అర్చి జిల్లాలోని ఓ మత విద్యాసంస్థ లక్ష్యంగా సోమవారం రాత్రి వైమానిక దాడులు సాగాయి. తాలిబన్‌కు చెందిన కీలక కమాండర్ల ఈ దాడిలో మరణించినట్లు తెలుస్తోంది. కాగా తొమ్మిది మంది తాలిబన్ కమాండర్లతోపాటు 30 మంది మిలిటెంట్లు ఈ దాడిలో హతమైనారని అఫ్గానిస్తాన్ రక్షణ శాఖ ప్రతినిధి మొహమ్మద్ రడ్మానిష్ ఒక అల్‌జజీరా టీవీ ఛానల్‌తో మాట్లాడుతూ చెప్పారు. తాలిబన్ శిక్షణ కేంద్రంపై దాడి చేశామని, అక్కడ సాధారణ పౌరులు లేరని ఆయన తెలిపారు. అయితే దాడి సమయంలో తమవారు ఎవరూ ఆ పాఠశాలలో లేరని తాలిబన్ ప్రకటించింది. మరోవైపు ఆఫ్గాన్ ప్రభుత్వం జరిపిన వైమానిక దాడిలో పెద్దఎత్తున చిన్నారులు, పౌరులు ప్రాణాలు కోల్పోయినట్లు వార్తలు వస్తున్నాయని, ఈ సంఘటనపై దర్యాప్తు చేస్తామని ఐక్యరాజ్యసమితి ప్రకటించింది. సంఘటన స్థలంలోని వాస్తవ పరిస్థితిని మానవహక్కుల సంస్థలు అంచనావేస్తున్నాయని ఐక్యరాజ్య సమితి సహాయబృందం ఒక ప్రకటనలో పేర్కొంది. తాలిబన్ ప్రభావం ఎక్కువగా ఉన్న కుందుజ్‌లోని ఒక మదర్సాలో గ్రాడ్యుయేషన్ వేడుకకు వందల సంఖ్యలో ప్రజలు హాజరైన సందర్భంలో ఈ దాడి జరిగింది. అఫ్గానిస్తాన్ వైమానికి దళానికి చెందిన హెలికాఫ్టర్లు దాడులు చేశాయి. ఈ దాడుల్లో తాలిబన్‌కు చెందిన కీలక రెడ్‌యూనిట్‌కు చెందిన కమాండర్లు పెద్దఎత్తున మరణించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.