అంతర్జాతీయం
ముషారఫ్ పాస్‌పోర్టు బ్లాక్
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, మే 31: పాక్ మిలిటరీ మాజీ నియంత పర్వేజ్ ముషారఫ్ పాస్‌పోర్టు, గుర్తింపు కార్డును బ్లాక్ చేయాలని పాకిస్తాన్ ప్రభుత్వం దేశీయాంగ శాఖను ఆదేశించింది. ప్రత్యేక కోర్టు ఆదేశం మేరకు ఈ నిర్ణయం తీసుకున్నట్లు పాక్ ప్రభుత్వం ప్రకటనలో పేర్కొంది. రాజద్రోహం కేసులో నిందితుడిగా ఉన్న ముషారఫ్ పాకిస్తాన్‌కు వచ్చేందుకు, కొన్ని సదుపాయాలు పొందడంపై ఆంక్షలు విధించారు. ముషారఫ్‌పై కోర్టు ఇచ్చిన ఆదేశాలను అమలు చేసే బాధ్యతను నేషనల్ డాటా బేస్ రిజిస్ట్రేషన్ అథారిటీని ప్రభుత్వం ఆదేశించారు. ఈ విషయాన్ని ఎక్స్‌ప్రెస్ ట్రిబ్యున్ పేర్కొంది. కోర్టు ఆదేశాల వల్ల బ్యాంకు లావాదేవీలు కూడా నిర్వహించలేరు. పాకిస్తాన్‌లో తన ఆస్తులను విక్రయించే హక్కు, కొత్తగా ఆస్తులను కొనుగోలు చేసే హక్కును ముషారఫ్ కోల్పోతారు. 2007లో దేశంలో అత్యవసర పరిస్థితిని విధించినందుకు ముషార్రఫ్‌పై కేసు నమోదుకాగా కోర్టు విచారణ జరుపుతోంది. ముషారఫ్‌ను అరెస్టు చేసి ఆస్తులను జప్తు చేయాలని కూడా కోర్టు గతంలో ఆదేశించింది. ఈ ఏడాది సుప్రీం కోర్టు ప్రధాన న్యాయమూర్తి మియాన్ సకీబ్ నిసార్ మాజీ నియంత ముషారఫ్‌పై విచారణకు ప్రత్యేక కోర్టును ఏర్పాటు చేస్తూ ఆదేశాలు జారీ చేశారు. కాగా పాకిస్తాన్ ప్రభుత్వం ఈ అంశంపై నోటిఫికేషన్ జారీ చేయాల్సి ఉంది. 2007లో ముషార్రఫ్ వందమంది జడ్జిలను గృహ నిర్బంధం చేయడమేకాకుండా, వారిని పదవుల నుంచి తొలగించారు. ఈ ఘటనలపై ముషార్రఫ్‌పై కేసులు కూడా నమోదు చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.