అంతర్జాతీయం
అమెరికా మమ్నల్ని దెబ్బతీసింది
S ,7 à 8 RSCA (si SASPAS) et 6 cialis pharmacie cialis rapports de stage.
షాంఘై (చైనా), జూన్ 10: ఇరాన్ అణు ఒప్పందాన్ని తుంగలో తొక్కి తమ దేశ ప్రయోజనాలకు అమెరికా భంగం కలిగించిందని ఇరాన్ అధ్యక్షుడు హసన్ రౌహనీ అన్నారు. ట్రంప్ ప్రభుత్వం ఏకపక్షంగా నిర్ణయాలు తీసుకుందని ఆయన విమర్శించారు. ఇదే సమయంలో తమను ఆదుకునేందుకు రష్యా, చైనా, ఐరోపాదేశాలు ముందుకు రావడం పట్ల ఆయన హర్షం వ్యక్తం చేశారు. షాంఘై సహకార సదస్సులో ఆయన మాట్లాడుతూ, తాము అనుకున్నది అనుకున్నట్లు జరగని పక్షంలో అమెరికా ఆంక్షలు విధిస్తామని బెదిరిస్తుందన్నారు. ట్రంప్ ప్రభుత్వం ఏకపపక్షంగా, దుందుడుకుగా వ్యవహరిస్తున్న తీరు సరికాదన్నారు. ఈ విధానం వల్ల ప్రపంచ దేశాలకు హాని జరుగుతుందన్నారు. కాగా ఇరాన్ అధ్యక్షుడి ఆక్రోశంతో చైనా అధ్యక్షుడు జింగ్ పింగ్ ఏకీభవించారు. ఇరాన్ ప్రయోజనాలనుకాపాడేందుకు రష్యా, ఇతర దేశాలతో కలిసి పనిచేసేందుకు చైనా సిద్ధంగా ఉందన్నారు. రష్యా అధ్యక్షుడు వ్లాదమిర్ పుతిన్ కూడా ఇరాన్‌కు బాసటగా నిలుస్తామంటూ, అమెరికా చర్యలను తప్పుబట్టారు. 2015లో ఒబామా ప్రభుత్వం ఇరాన్‌తో కుదుర్చుకున్న అణ్వస్త్ర ఒప్పందం నుంచి వైదొలుగుతున్నట్లు ట్రంప్ ప్రభుత్వం గత నెలలో ప్రకటించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.