అంతర్జాతీయం
అనుమానం ఐదుగురి ప్రాణాలు తీసింది
S ,7 à 8 RSCA (si SASPAS) et 6 cialis pharmacie cialis rapports de stage.
బెల్‌గ్రేడ్, జూలై 2: ఉత్తర సెర్బియాలోని ఓ కేఫ్‌లో ఒక వ్యక్తి ఐదుగురిని తుపాకీతో కాల్చి చంపేశాడు. మరో ఇరవై మందిని గాయపరిచాడు. సెర్బియా రాజధాని బెల్‌గ్రేడ్‌కు 80కి.మీ. దూరంలోని జిటిస్టే పట్టణంలో శనివారం తెల్లవారుజామున ఈ దారుణం చోటుచేసుకుంది. మృతుల్లో హంతకుడి భార్య కూడా ఉందని పోలీసులు వెల్లడించారు. అనుమానం, ఈర్ష్యతోనే కాల్పులు జరిపాడని వారన్నారు. కేఫ్‌లోని ప్రవేశించి ఆటోమేటిక్ రైఫిల్‌తో ముందు భార్యపై కాల్పులు జరిపాడు. అక్కడే ఉన్న మరో మహిళపై గుళ్లవర్షం కురిపించారు. కాల్పుల్లో ఐదుగురు అక్కడికక్కడే మరణించగా, 20 మంది గాయపడ్డారు. హోమ్‌మంత్రి నిబోసా స్ట్ఫెనొవిక్ సంఘటనా స్థలాన్ని సందర్శించారు. సెర్బియాలో ఇలాంటి కాల్పుల ఘటన జరగడం ఇటీవల కాలంలో నిత్యకృత్యంగా మారింది. బాల్కన్ యుద్ధం తరువాత దేశంలో అక్రమ ఆయుధాల చెలామణి ఎక్కువైపోయింది. కాగా కాల్పులు జరిపి పారిపోతున్న నిందితుడిని పోలీసుల అదుపులోకి తీసుకున్నారు. కేఫ్‌లోకి ప్రవేశించిన నిందితుడు కాసేపు భార్యతో వాగ్వివాదం చేశాడని తరువాత కలషింకోవ్ రకం తుపాకీతో కాల్పులు జరిపినట్టు పోలీసులు చెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.