అంతర్జాతీయం
భారత్-బంగ్లా సరిహద్దుల్లో హై అలర్ట్
S ,7 à 8 RSCA (si SASPAS) et 6 cialis pharmacie cialis rapports de stage.
షిల్లాంగ్, జూలై 3: బంగ్లాదేశ్ రాజధాని ఢాకాలోని ఒక రెస్టారెంట్‌పై దాడి చేసిన ఉగ్రవాదులు బందీలుగా పట్టుకున్న 20 మందిని దారుణంగా నరికి చంపిన సంఘటన తర్వాత మేఘాలయలోని 443 కిలోమీటర్ల భారత్-బంగ్లా సరిహద్దు వెంబడి సరిహద్దు భద్రతా దళం (బిఎస్‌ఎఫ్) బలగాలను అత్యంత అప్రమత్తంగా ఉంచినట్లు బిఎస్‌ఎఫ్ ఉన్నతాధికారి ఒకరు ఆదివారం చెప్పారు. ‘్ఢకాలో సాయుధ దాడి తర్వాత భారత్-బంగ్లా సరిహద్దు వెంబడి బిఎస్‌ఎఫ్ బలగాలను అత్యంత అప్రమత్తంగా ఉంచాం. భద్రతను మరింత కట్టుదిట్టం చేయడం జరిగింది’ అని బిఎస్‌ఎఫ్ ఇన్‌స్పెక్టర్ జనరల్ (మేఘాలయ సరిహద్దు ప్రాంతం) పికె దూబే చెప్పారు. ఢాకా హత్యల వార్త తెలియగానే సమన్వయం, సమాచారం ఇచ్చిపుచ్చుకోవడానికి తాను మేఘాలయ పోలీసులతో మాట్లాడానని ఆయన చెప్పారు. మేఘాలయ-బంగ్లాదేశ్‌ల మధ్య ఉన్న 443 కిలోమీటర్ల సరిహద్దులో 90 కిలోమీటర్లమేర కంచె నిర్మాణం జరగలేదు. ఇదే కాకుండా రాష్ట్రంలో నదులు, వాగులు, వంకలు ఎక్కువగా ఉండాన్ని బట్టి చూస్తే వంద దాకా చొరబాట్లకు అవకాశముండే ప్రాంతాలున్నాయి. అందువల్ల సరిహద్దుల్లో ఎలాంటి అక్రమ చొరబాట్లు జరక్కుండా చూడడం కోసం అన్ని రాష్ట్రాల, కేంద్ర ఇంటెలిజన్స్ విభాగాల సహకారాన్ని బిఎస్‌ఎఫ్ కోరిందని దూబే చెప్పారు. సరిహద్దులకు ఆనుకుని ప్రాంతాల్లో పని చేస్తున్న పోలీసు సిబ్బందిని అప్రమత్తం చేయడంతో పాటుగా బిఎస్‌ఎఫ్‌తో సమన్వయం చేసుకుని గట్టి నిఘా పెట్టి ఉండాలని కోరడం జరిగిందని రాష్ట్ర పోలీసు ఉన్నతాధికారి చెప్పారు.
చిత్రం.. భారత్-బంగ్లా సరిహద్దులో పహరా కాస్తున్న బిఎస్‌ఎఫ్ జవాన్లు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.