అంతర్జాతీయం
ప్రగతిశీల లక్ష్యాలతో భారత్ ముందడుగు
S ,7 à 8 RSCA (si SASPAS) et 6 cialis pharmacie cialis rapports de stage.
యునైటెడ్‌నేషన్స్, అక్టోబర్ 1: భారతదేశం అనుసరిస్తున్న ‘క్లీన్ ఇండియా’, ‘ఆడబిడ్డలకు చదివించు..రక్షించు’ నినాదాలు, పథకాలు ఎంతో ఆదర్శప్రాయంగా ఉన్నాయని, స్థిరమైన అభివృద్ధి లక్ష్యాల సాధనకు ఏ దేశానికైనా వీటి ఆవశ్యకత ఉందని యునైటెట్ నేషన్స్ సెక్రటరీ జనరల్ అంటానియో గూటర్రెస్ పేర్కొన్నారు. భాతర దేశంలో గట్టర్ మూడు రోజుల పర్యటనను సోమవారం నుంచి ప్రారంభించిన గట్టర్ ఈమెయిల్ ద్వారా పీటీఐ ప్రతినిధికి ఇంటర్య్వూ ఇచ్చారు. అసమానతలు తొలగడానికి, సాంఘిక సంక్షేమానికి ఎన్నో సవాళ్లను భారత్ ఎదుర్కొంటోందని, ఈ దిశలో సుదీర్ఘమైన విధానాలను, నాయకత్వాన్ని ఈ దేశం కలిగివుందని అన్నారు. స్థిరమైన అభివృద్ధి లక్ష్యాలు (సస్టైనబుల్ డెవలప్‌మెంట్ గోల్స్) ప్రపంచం మొత్తానికీ ఉమ్మడి లక్ష్యమని, ఈ దిశలోనే యునైటెడ్ నేషన్స్ డెవలప్‌మెంట్ ప్రోగ్రాం (యూఎన్‌డీపీ) ద్వారా పేదరిక నిర్మూలన, భూమిని రక్షించుకోవడం, ఆరోగ్య, విద్యాభివృద్ధి ద్వారా ప్రజలు ప్రశాంతమైన, ఐశ్వర్యప్రదమైన జీవనం గడిపేలా చేయాలన్న లక్ష్యాన్ని 2030 వరకు ఏర్పాటు చేసుకోవడం జరిగిందన్నారు. ఇందులో భాగంగా పారిశుధ్ధ్య పరిరక్షణ, మహిళలకు ఆర్థికాభివృద్ధి, ఉపాధి అవకాశాలను పెంచడం, నాణ్యతతో కూడిన విద్యాబోధన, అసమానతలను తగ్గించడం వంటివి ఉన్నాయన్నారు. భారత దేశంలో ఈ దిశగా చేపట్టిన అనేక కార్యక్రమాలు ఎంతో ప్రభావవంతమైన ఫలితాలను ఇచ్చాయన్నారు. కేవలం రెండున్నరేళ్లలో స్వచ్‌భారత్ (క్లీన్ ఇండియా) కార్యక్రమం ద్వారా జరిగిన ప్రగతి తననెంతగానో ఆకట్టుకుందని గట్టర్ అన్నారు. ఈ కాలంలో 39 మిలియన్ల గృహ అనుబంధ మరుగుదొడ్ల నిర్మాణం జరిగిందని, 2019 నాటికి బహిరంగ మలవిసర్జన రహిత దేశంగా చేయాలన్న లక్ష్యం కూడా అభినందనీయమన్నారు. అలాగే నరేంద్రమోదీ ప్రభుత్వం చేపట్టిన భేటీ బచావ్, భేటీ పడావ్ కార్యక్రమాలు కూడా దేశంలో మధ్యలోనే బడిమానేసే ఆడపిల్లల సంఖ్యను గణనీయంగా తగ్గించిందని, తద్వారా విద్యలో లింగ వివక్షకూడా తగ్గిందని గట్టర్ చెప్పారు. అలాగే ప్రభుత్వ పథకాలను డిజిటలైజేషన్ చేయడం ద్వారా ఆహార సరఫరా, రేషన్ కార్డుల కేటాయింపు వంటివి మరింత సులభతరం అయ్యాయన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.