అంతర్జాతీయం
బ్రెగ్జిట్‌కు ఆమోదం
S ,7 à 8 RSCA (si SASPAS) et 6 cialis pharmacie cialis rapports de stage.
బ్రసెల్స్, నవంబర్ 25: చరిత్రాత్మక బ్రెగ్జిట్ ఒప్పందాన్ని యూరోపియన్ యూనియన్ నాయకులు ఆదివారం ఆమోదించారు. నాలుగు దశాబ్దాల తరువాత యూరోపియన్ యూనియన్ (ఈయూ) నుంచి బ్రిటన్ వైదొలగడాన్ని ఒక నాయకుడు ‘విషాదం’గా అభివర్ణించారు. బ్రిటన్ ప్రధానమంత్రి థెరిసా మే లేకుండానే యూరోపియన్ యూనియన్‌కు చెందిన 27 మంది నాయకులు ఆదివారం సమావేశమయి, బ్రెగ్జిట్ ఒప్పందాన్ని ఆమోదించారు. దీంతో మార్చి 29న ఈయూ నుంచి బ్రిటన్ వైదొలగడానికి రంగం సిద్ధమయింది. ‘బ్రిటన్ వైదొలిగే ఒప్పందాన్ని, భవిష్యత్తులో ఈయూ-యూకే సంబంధాలపై రాజకీయ ప్రకటనను ఈయూ-27 ఆమోదించింది’ అని యూరోపియన్ కౌన్సిల్ అధ్యక్షుడు డొనాల్డ్ టస్క్ సామాజిక మాధ్యమం ట్విట్టర్‌లో పోస్ట్ చేసిన ఒక సందేశంలో పేర్కొన్నారు. అంతకు ముందు థెరిసా మే ఈయూ శిఖరాగ్ర సమావేశానికి వస్తారని వారు వేచిచూశారు. యూరోపియన్ యూనియన్ కార్యనిర్వాహక విభాగమయిన యూరోపియన్ కమిషన్ అధ్యక్షుడు జీన్-క్లౌడ్ జుంకర్ బ్రసెల్స్‌లో జరిగే ప్రత్యేక శిఖరాగ్ర సమావేశంలో పాల్గొనేందుకు వస్తూ దీనిని ‘విచారకరమయిన దినం’గా అభివర్ణించారు. ‘గ్రేట్ బ్రిటన్ వంటి ఒక దేశం యూరోపియన్ యూనియన్‌ను వీడుతుండటం సంతోషించదగినదో, ఉత్సవాలు జరుపుకోగలిగినదో కాదు. ఇదో విచారకరమయిన వేళ. ఇదో విషాదం’ అని ఆయన అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.