అంతర్జాతీయం
ఆర్థికంగా ధ్వంసం చేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 14: అమెరికా అధ్యక్షుడు డొనాల్డ్ ట్రంప్ మరోసారి తన నైజాన్ని చాటుకున్నారు. ప్రత్యర్థులనే కాకుండా నాటో దేశాలను ఇరుకున పడేస్తున్న ఆయన తాజాగా టర్కీపై నిప్పులు చెరిగారు. సిరియాలోని అమెరికా మద్దతుతో పనిచేస్తున్న కురుధ్ సైనిక దళాలపై టర్కీ దాడి చేస్తే దానిని ఆర్థికంగా ధ్వంసం చేస్తామని ట్రంప్ తీవ్ర స్వరంతో హెచ్చరించారు. సిరియా నుంచి అమెరికా దళాలు వైదొలగిన నేపథ్యంలో అక్కడి కుర్ద్ దళాలపై టర్కీ దాడి చేసే అవకాశం ఉందన్న కథనాలపై ట్రంప్ స్పందించారు. అయితే, ఈ హెచ్చరికను టర్కీ తిరస్కరించింది. ఉగ్రవాదులకు వ్యితిరేకంగా తమ పోరాటాన్ని ఆపే ప్రసక్తే లేదని స్పష్టం చేసింది. సిరియాలో ఉన్న 2 వేల మంది అమెరికా దళాలను ఉపసంహరిస్తున్నట్టు ట్రంప్ ఇటీవల చేసిన ఆకస్మిక ప్రకటన నాటో దేశాలను కలవరపాటుకు గురిచేసింది. గత వారం నుంచే సిరియా నుంచే అమెరికా దళాల ఉపసంహరణ మొదలైంది. ఇప్పటివరకు అమెరికా మద్దతుతో ఉన్న కుర్ద్ దళాలకు ఈ పరిస్థితి మింగుడుపడనిదిగా మారింది. అమెరికా దన్ను లేదు కాబట్టి టర్కీ తమపై దాడి చేసే అవకాశం ఉందంటూ ఈ కుర్ద్ అనుకూల పక్షాలు ఆందోళన వ్యక్తం చేస్తున్నాయి. అయితే, అమెరికా అభిప్రాయం ఎలా ఉన్నా కుర్ద్ దళాలను తాము ఉగ్రవాదులుగానే పరిగణిస్తున్నామని, తమ దేశంలోని వేర్పాటువాదులకు వీటినుంచి మద్దతు అందుతోందని టర్కీ చెబుతోంది. ఈ దళాల నుంచి తమకు ఎలాంటి ఇబ్బంది కలిగినా ఖచ్చితంగా దాడి చేస్తామని టర్కీ అధ్యక్షుడు స్పష్టం చేయడంతో ట్రంప్ తాజా హెచ్చరిక జారీ చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.