అంతర్జాతీయం
మళ్లీ ట్రంప్, కిమ్ భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 19: అమెరికా, ఉత్తర కొరియాల మధ్య మరో కీలక శిఖరాగ్ర భేటీ జరగబోతోంది. ఉత్తర కొరియా అణ్వాయుధాలు, క్షిపణి కార్యక్రమాలను తొలగించడానికి సంబంధించి అమెరికా అధ్యక్షుడు డొనాల్డ్ ట్రంప్, ఉత్తర కొరియా అధ్యక్షుడు కిమ్‌జోంగ్‌ల మధ్య ఫిబ్రవరి చివరి వారంలో ఈ సమావేశం జరగనున్నట్టు వైట్‌హౌస్ ప్రకటించింది. ఇద్దరి నాయకుల మధ్య గత ఏడాది జూన్ 12న సింగపూర్‌లో తొలి శిఖరాగ్ర భేటీ జరిగిన విషయం తెలిసిందే. అయితే ఈ రెండో సమావేశం ఎక్కడ జరుగుతుందన్న దానిపై వైట్ హౌస్ నుంచి ఎలాంటి స్పష్టత రానప్పటికీ మీడియా కథనాల ప్రకారం వియత్నాం రాజధాని హనోయ్‌లో గానీ, ఆ దేశ తీర ప్రాంత పట్టణమైన డనాగ్‌లో గానీ ఈ సమావేశం జరిగే అవకాశం ఉన్నట్టు తెలుస్తోంది. అమెరికా అధ్యక్షుడు ట్రంప్‌తో ఉత్తర కొరియా రాయబారి కిమ్‌యాంగ్ శుక్రవారం జరిపిన సమావేశం నేపథ్యంలో ఈ తాజా శిఖరాగ్ర భేటీ మార్గం సుగమం అయింది. తొలి శిఖరాగ్ర భేటీలో తీసుకున్న నిర్ణయాలేవీ ముందుకు సాగకపోవడం, అనేక ప్రతికూల పరిస్థితులు తలెత్తడంతో ఈ రెండో భేటీ అనివార్యం అయింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.