అంతర్జాతీయం
మాకు ఎలాంటి ఆందోళన లేదు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఫిబ్రవరి 22: సింధూజలాల ఒప్పందం ప్రకారం తమ దేశానికి రావలసిన రావి, సట్లెజ్, బియాస్ నదుల నీటిని వదలకుండా నిలిపివేయాలనే భారత్ ప్రణాళిక పట్ల పాకిస్తాన్‌కు ఎలాంటి ఆందోళన లేదని ఆ దేశానికి చెందిన ఒక ఉన్నతాధికారి పేర్కొన్నారు. పుల్వామాలో జైషే మహ్మద్ ఉగ్రవాది జరిపిన భయంకరమయిన ఆత్మాహుతి బాంబు దాడి తరువాత సింధూ జలాల ఒప్పందం ప్రకారం పాకిస్తాన్‌కు వెళ్లవలసిన నదీ జలాలను నిలిపివేయాలని భారత్ నిర్ణయించినట్టు కేంద్ర మంత్రి నితి న్ గడ్కరీ గురువారం ఢిల్లీలో ప్రకటించారు. ఆ తరువాత కొన్ని గంటల వ్యవధిలోనే పాకిస్తాన్ జలవనరుల మంత్రిత్వ శాఖ కార్యదర్శి ఖవాజా షుమాయిల్ గురువారం ఇక్కడ డాన్ వార్తాపత్రికతో మాట్లాడుతూ గడ్కరీ ప్రకటనపై స్పం దించారు. ‘సింధూ జలాల ఒప్పందం ప్రకారం పాకిస్తాన్‌కు రావలసిన తూర్పు నదుల జలాలను భారత్ మళ్లించి తన దేశ ప్రజల కోసం వినియోగించినా, ఇతర ప్రయోజనాల కోసం ఉపయోగించినా మాకు ఆందోళన కాని అభ్యంతరం కాని లేదు. ఎందుకంటే భారత్ ఆ జలాలను మళ్లించడానికి సింధూ జలాల ఒప్పందం వీలు కల్పిస్తోంది’ అని షుమాయిల్ అన్నారు. అయితే, పశ్చిమ నదులయిన చెనబ్, ఇండస్, జెలూమ్ నదుల నీటిని భారత్ మళ్లిస్తే మాత్రం మేము తప్పకుండా మా ఆందోళనను వ్యక్తం చేస్తాం. మా అభ్యంతరాన్ని తెలియజేస్తాం. ఈ నదులపై మాకు హక్కు ఉంది’ అని షుమాయిల్ స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.