అంతర్జాతీయం
ఎన్నికలయ్యే వరకూ ఇంతే
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, మార్చి 26: భారత్‌లో సార్వత్రిక ఎన్నికలు ముగిసేంత వరకు భారత్, పాకిస్తాన్ మధ్య సంబంధాలలో ఉద్రిక్తతలు కొనసాగుతాయని పాకిస్తాన్ ప్రధానమంత్రి ఇమ్రాన్ ఖాన్ పేర్కొన్నారు. భారత్ మరోసారి పాకిస్తాన్‌పై దుస్సాహసానికి ఒడిగట్టే అవకాశం ఉందని ఆయన ఆందోళన వ్యక్తం చేశారు. పాకిస్తాన్ కేంద్రంగా పనిచేస్తున్న ఉగ్రవాద సంస్థ జైష్ ఏ మహ్మద్ (జేఈఎం) ఫిబ్రవరి 14వ తేదీన జమ్మూకాశ్మీర్‌లోని పుల్వామాలో ఆత్మాహుతి బాంబు దాడికి పాల్పడి, 40 మంది సీఆర్‌పీఎఫ్ జవాన్లను పొట్టన పెట్టుకున్న తరువాత భారత్, పాకిస్తాన్‌ల మధ్య ఉద్రిక్తతలు పెరిగాయి. దీంతో భారత్ ఫిబ్రవరి 26వ తేదీన కౌంటర్ టెర్రర్ ఆపరేషన్‌లో భాగంగా పాకిస్తాన్‌లోని బాలాకోట్‌లో గల జేఈఎం శిక్షణ శిబిరంపై వైమానిక దాడికి పాల్పడింది.
మరుసటి రోజు పాకిస్తాన్ వైమానిక దాడికి ప్రయత్నించగా, భారత్ తిప్పికొట్టింది. ఈ సందర్భంగా భారత పైలట్ ఒకరు పాకిస్తాన్‌కు చిక్కగా, అతడిని తరువాత భారత్‌కు అప్పగించింది. భారత ప్రధానమంత్రి నరేంద్ర మోదీ పాలనాయంత్రాంగం సార్వత్రిక ఎన్నికల లోపు మరో దుస్సాహసానికి ఒడిగట్టే అవకాశం ఉందని, అందువల్ల ఇరు దేశాల మీద యుద్ధమేఘాలు ఇప్పటికీ కమ్ముకునే ఉన్నాయని ఇమ్రాన్ ఖాన్ అన్నారు.
‘ప్రమాదం ఇంకా తొలగిపోలేదు. భారత్‌లో సార్వత్రిక ఎన్నికలు ముగిసేంత వరకు పరిస్థితి ఉద్రిక్తంగానే ఉంటుంది. భారత్ నుంచి జరిగే ఎలాంటి దురాక్రమణను అయినా తిప్పికొట్టడానికి మేము సిద్ధంగా ఉన్నాం’ అని ఇమ్రాన్ ఖాన్ అన్నట్టు డాన్ వార్తాపత్రిక పేర్కొంది. అఫ్గానిస్తాన్ ప్రభుత్వం వ్యక్తం చేసిన ఆందోళన కారణంగా ఇస్లామాబాద్‌లో తాలిబన్లతో జరగాల్సిన తన సమావేశాన్ని రద్దు చేసుకున్నట్టు ఇమ్రాన్ ఖాన్ తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.