అంతర్జాతీయం
ఐరాస ప్రధాన కార్యదర్శి పదవి రేసులో ముందున్న గటెర్రెస్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, ఆగస్టు 6: ఐక్యరాజ్య సమితి ప్రధాన కార్యదర్శిగా ఈసారి మహిళను ఎన్నుకోవాలన్న సభ్య దేశాల ఆశలు క్రమంగా ఆవిరైపోతున్నాయి. ఈ పదవికోసం పోటీపడుతున్న 11 అభ్యర్థులకు శుక్రవారం భద్రతా మండలి నిర్వహించిన రెండో విడత సాధారణ ఎన్నికల్లో పోర్చుగల్ మాజీ ప్రధాన మంత్రి అంటానియో గటెర్రెస్ మరోసారి తన ఆధిక్యతను చాటుకున్నారు. భద్రతా మండలిలోని మొత్తం 15 సభ్య దేశాల్లో 11 దేశాలు ఈ ఎన్నికల్లో గటెర్రెస్ అభ్యర్థిత్వాన్ని బలపర్చగా, రెండు దేశాలు వ్యతిరేకించాయని, మరో రెండు దేశాలు ఎటువంటి అభిప్రాయాన్ని వ్యక్తం చేయలేదని దౌత్యాధికారులు తెలిపారు. ఐక్యరాజ్య సమితిలో శరణార్థుల విభాగానికి పదేళ్లపాటు కమిషనర్‌గా సేవలు అందించిన గటెర్రెస్ గత నెలలో నిర్వహించిన తొలి విడత సాధారణ ఎన్నికల్లో కూడా అగ్రస్థానంలో నిలువుగా, స్లొవేనియా మాజీ అధ్యక్షుడు డానిలో టర్క్, యునెస్కో డైరెక్టర్ జనరల్‌గా పనిచేసిన ఇరినా బొకోవా (బల్గేరియా) వరుసగా ద్వితీయ, తృతీయ స్థానాల్లో నిలిచారు. అయితే మొదటి విడత సాధారణ ఎన్నికల్లో నాలుగో స్థానంలో నిలిచిన సెర్బియా మాజీ విదేశంగ మంత్రి వక్ జెరెమిక్ రెండో విడత ఎన్నికల్లో రెండో స్థానానికి దూసుకెళ్లాడు. ఈ ఎన్నికల్లో అతనికి అనుకూలంగా ఎనిమిది ఓట్లు రాగా, వ్యతిరేకంగా నాలుగు ఓట్లు వచ్చాయి. అయితే జెరెమిక్ అభ్యర్థిత్వంపై మిగిలిన మూడు సభ్య దేశాలు ఎటువంటి అభిప్రాయాన్ని వ్యక్తం చేయలేదు. అలాగే తొలి విడత సాధారణ ఎన్నికల్లో ఎడో స్థానంలో నిలిచిన అర్జెంటీనా విదేశాంగ మంత్రి సుసానా మాల్కోరాకు రెండో విడత ఎన్నికల్లో ఎనిమిది ఓట్లు అనుకూలంగానూ, ఆరు ఓట్లు వ్యతిరేకంగానూ రాగా, ఒక సభ్య దేశం అభిప్రాయాన్ని వెల్లడించలేదు. దీంతో అతను ఈసారి మూడో స్థానానికి ఎగబాకగా, ఇంతకుముందు మూడో స్థానంలో నిలిచిన బొకోవా రెండో రౌండ్‌లో ఐదో స్థానానికి దిగజారాడు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.