అంతర్జాతీయం
నీరవ్ మోదీ రిమాండ్ పొడిగింపు
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూన్ 27: బ్రిటన్ జైలులో శిక్షను అనుభవిస్తున్న భారత్‌కు చెందిన వజ్రాల వ్యాపారి నీరవ్ మోదీ రిమాండ్‌ను జూలై 25 వరకు పొడిగిస్తూ లండన్ కోర్టు గురువారం తీర్పునిచ్చింది. పంజాబ్ నేషనల్ బ్యాంక్‌ను 2 బిలియన్ డాలర్ల మేర మోసగించడంతోబాటు, మనీ ల్యాండరింగ్ కేసులో అభియోగాలు ఎదుర్కొంటున్న నీరవ్ మోదీని అప్పగించాలని బ్రిటన్‌ను భారత్ కోరుతున్న సంగతి తెలిసిందే. ఐతే తనను భారత్‌కు అప్పగించరాదంటూ న్యాయపోరాటం చేస్తున్న 48 ఏళ్ల నీరవ్ గత మార్చిలో అరెస్టయినప్పటి నుంచి ఇక్కడి నైరుతి లండన్‌లోని వాండ్స్‌వర్త్ జైలులో శిక్షను అనుభవిస్తున్నాడు. బెయిలు కోసం నాల్గవ సారి నీరవ్ పెట్టుకున్న పిటిషన్‌ను ఈనెల 12న బ్రిటన్ హైకోర్టు తోసిపుచ్చిన సంగతి తెలిసిందే. 2018 ఆగస్టులో భారత్ నీరవ్ మోదీని అప్పగించాలంటూ బ్రిటన్‌ను కోరడానికి ముందు ఆ ఏడాది మే, జూలై మాసాల్లో రెండు అరెస్టు వారెంట్లు జారీ చేయడం జరిగింది. కాగా గురువారం లండన్ వెస్ట్‌మినిస్టర్స్ మేజిస్ట్రేట్ కోర్టుకు జైలునుంచే వీడియో లింక్ ద్వారా మోదీ అపియర్ అయ్యారు. యూకే చట్టాల ప్రకారం ప్రతి నాలుగు వారాలకు ఓ సారి నీరవ్ మోదీ కోర్టుకు హాజరు కావాల్సివుంటుంది. ఆమేరకు జూలై 29కి ముందు మరో విచారణకు నీరవ్ మోదీ హాజరుకావాల్సి ఉంటుందని, అప్పు డే నీరవ్ అప్పగింతకు సంబంధించిన ట్రయల్‌కు కాలపరిమితి నిర్ణయం జరుగుతుందని భారత ప్రభుత్వం తరపున ప్రాతినిధ్యం వహిస్తున్న బ్రిటన్ క్రౌన్ ప్రాసిక్యూషన్ సర్వీస్ (సీపీఎస్) భావిస్తోంది. ఈ మేరకు జూలై 11లోపు నీరవ్ మోదీకి కేసుకు సంబంధించిన ప్రాథమిక సమాచారాన్ని సీపీఎస్ కోర్టుకు సమర్పించాల్సి వుంటుంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.