అంతర్జాతీయం
సెప్టెంబర్ 19వరకు నీరవ్ మోదీ రిమాండ్
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, ఆగస్టు 22: పంజాబ్ నేషనల్ బ్యాంక్ (పీఎన్‌బీ)ను మోసగించి వేల కోట్ల రూపాయలు కొల్లగొట్టి పారిపోయి, ప్రస్తుతం లండన్ జైలులో ఉన్న వజ్రాల వ్యాపారి నీరవ్ మోదీని గురువారం వీడియో లింక్ ద్వారా బ్రిటన్‌లోని ఒక కోర్టు ముందు హాజరుపరిచారు. కోర్టు మోదీ జ్యుడీషియల్ కస్టడీని సెప్టెంబర్ 19వ తేదీ వరకు పొడిగిస్తూ ఆదేశాలు జారీ చేసింది. పీఎన్‌బీని రెండు బిలియన్ డాలర్ల మేరకు ముంచి పరారయిన నీరవ్ ని స్వదేశానికి తీసుకు రావడానికి భారత్ ప్రయత్నిస్తోంది. న్యాయమూర్తి టాన్ ఇక్రం నేతృత్వంలోని వెస్ట్‌మినిస్టర్ మేజిస్ట్రేట్ కోర్టులో నీరవ్ మోదీని భారత్‌కు అప్పగించడానికి సంబంధించిన కేసు ‘కాల్-ఓవర్’ విచారణ జరిగింది. నీరవ్ మోదీ విచారణ తేదీలను సెప్టెంబర్ 19వ తేదీన జరిగే తరువాత ‘కాల్ ఓవర్’ హియరింగ్ సందర్భంగా ఖరారు చేస్తామని అతనికి జడ్జి టాన్ ఇక్రం తెలిపారు. సెప్టెంబర్ 19న మళ్లీ నీరవ్ మోదీని వీడియోలింక్ ద్వారానే కోర్టు ఎదుట హాజరుపరుస్తారు. ‘ఈ రోజు ఎలాంటి పురోగతి లేదు’ అని జడ్జి పేర్కొన్నారు. 2020 మే 11వ తేదీ నుంచి మొదలయ్యే నీరవ్ మోదీ అప్పగింత అయిదు రోజుల విచారణ తేదీలను ధ్రువీకరించాలని కోర్టు క్లర్క్‌ను జడ్జి ఆదేశించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.