అంతర్జాతీయం
గోదాంలో మంటలంటుకొని 16 మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
మాస్కో, ఆగస్టు 27: రష్యా రాజధాని మాస్కో నగరం ఉత్తర ప్రాంతంలో శనివారం ఉదయం ఒక గోదాంలో ఎగిసిపడిన మంటల్లో 16మంది మృతి చెందారు. మంటలను ఆర్పివేసిన తరువాత అక్కడ గోదాంలో విడిగా ఒక గది కనపడిందని అత్యవసర మంత్రిత్వ శాఖ ప్రెస్ సర్వీస్ ప్రాంతీయ శాఖను ఉటంకిస్తూ ‘టాస్’ న్యూస్ ఏజెన్సీ తెలిపింది. అగ్నిమాపక సిబ్బంది ఆ గది గోడను పగులగొట్టి చూడగా లోపల 16మంది మృతి చెంది ఉన్నారు.
మాస్కోలోని ఇండిస్ట్రియల్ జోన్‌లో గల ఈ గోదాంలో 200 చదరపు మీటర్ల విస్తీర్ణం మేరకు మంటలు వ్యాపించాయి. అంతర్జాతీయ కాలమానం (జిఎంటి) ప్రకారం ఉదయం అయిదు గంటలకు సంఘటన స్థలానికి చేరుకున్న అగ్నిమాపక సిబ్బంది రెండు గంటలపా టు శ్రమించి మంటలను ఆర్పివేసినట్లు అధికారులు చెప్పారు. మంటలంటుకున్న గోదాం స్థానిక ప్రింటింగ్ కంపెనీకి చెందిందని, మృతులు మాజీ సోవియట్ రిపబ్లిక్‌ల నుంచి వలసవచ్చిన వారని పోలీసు వర్గాలు తెలిపాయి. సంఘటనపై విచారణ జరిపిస్తామని మాస్కో మేయర్ సెర్‌జెయి సోబ్యానిన్ సామాజిక మాధ్యమం ట్విట్టర్‌లో తెలిపారు. అయితే మంటలు అంటుకోవడానికి దారితీసిన కారణాలు ఇంకా తెలియరాలేదు. అజాగ్రత్తవల్ల మంటలు అంటుకున్నాయా? లేక ఎవరైనా కావాలనే అంటించారా? అనే విషయమై క్రిమినల్ దర్యాప్తు ఇప్పటికే మొదలయింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.