అంతర్జాతీయం
27న ఐరాసలో మోదీ ప్రసంగం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, సెప్టెంబర్ 9: భారత ప్రధాని నరేంద్ర మోదీ ఈనెల 27 నుంచి దాదాపు వారం రోజులపాటు న్యూయార్క్‌లోనే గడుపుతారు. ఐక్యరాజ్యసమితి జనరల్ అసెంబ్లీ వార్షిక ఉన్నత స్థాయి సమావేశానికి హాజరవుతున్న మోదీ వారం రోజులపాటు వివిధ దేశాల నేతలతో చర్చోప చర్చల్లో తలమునకలవుతారు. ఐరాస జనరల్ అసెంబ్లీలో ఎవరెవరు మాట్లాడతారన్న దానిపై తాజా వివరాలు వెలుగులోకి వచ్చాయి. ఈనెల 27న ఓ ఉన్నత స్థాయి సమావేశంలో మోదీ మాట్లాడతారని తెలుస్తోంది. భారత్‌లో రెండోసారి అధికారంలోకి వచ్చిన తర్వాత ఐరాస వేదికపై మోదీ ప్రసంగించబోవడం ఇదే మొదటిసారి. 2014లో తొలిసారిగా ఐరాసలో ఆయన మాట్లాడారు. పాకిస్తాన్ ప్రధాని ఇమ్రాన్ ఖాన్ కూడా ఈనెల 27వ తేదీన ఐరాసలో మాట్లాడతారు. మోదీ ప్రసంగం ముగిసిన తర్వాతే ఇమ్రాన్ ఖాన్ మాట్లాడతారని తాజా వివరాల ప్రకారం తెలుస్తోంది. ఐరాసలో వివిధ అంశాలపై జరిగే చర్చల్లో 112 మంది దేశాధినేతలు, 48 మంది ప్రభుత్వ అధినేతలు, 30 మంది విదేశాంగ మంత్రులు పాల్గొంటారు. ఈనెల 24 నుంచి మొదలయ్యే ఈ చర్చ 30వ తేదీ వరకు సాగుతుంది. 24న జరిగే ఉన్నత స్థాయి సమావేశం నుంచి అమెరికా అధ్యక్షుడు డొనాల్డ్ ట్రంప్ మాట్లాడతారు. వారం రోజుల పాటు మోదీ తలమునకలు లేకుండా న్యూయార్క్‌లో గడుపుతారని ఆయన సమావేశాల షెడ్యూల్ బట్టి స్పష్టమవుతోంది. వివిధ దేశాధినేతలతో ద్వైపాక్షిక, త్రిముఖ చర్చల్లో మోదీ పాల్గొంటారు. ఈ పర్యటన సందర్భంగా ఆయన గ్లోబల్ గోల్‌కీపర్ అవార్డును మిలిందా గేట్ ఫౌండేషన్ నుంచి అందుకుంటారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.