అంతర్జాతీయం
వాళ్లంతా గూఢచారులు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, నవంబర్ 3: ఇస్లామాబాద్‌లోని భారత హైకమిషన్ కార్యాలయంలో పనిచేస్తున్న ఎనిమిది మంది అధికారులు భారత నిఘా సంస్థలకు చెందిన సభ్యులని పాకిస్తాన్ గురువారం ఆరోపించింది. ఈ ఎనిమిది మంది పాకిస్తాన్ వ్యతిరేక గూఢచార కార్యకలాపాలకు పాల్పడుతున్నారని ఆరోపించింది. పాకిస్తాన్ విదేశాంగ శాఖ అధికార ప్రతినిధి నఫీస్ జకారియా గురువారం ఇక్కడ విలేఖరుల సమావేశంలో మాట్లాడుతూ పలువురు భారత దౌత్యవేత్తలు, ఉద్యోగులు పాకిస్తాన్‌లో దౌత్య విధుల ముసుగులో ఉగ్రవాద, పాకిస్తాన్ వ్యతిరేక కార్యకలాపాలను సమన్వయం చేస్తున్నారని ఆరోపించారు. వారి పేర్లు, హోదాలను ఆయన వెల్లడించారు.
రీసెర్చ్ అండ్ అనాలిసిస్ వింగ్ (రా) ఆపరేటివ్‌లు- రా స్టేషన్ చీఫ్ అనురాగ్ సింగ్ (ప్రథమ కార్యదర్శి కమర్షియల్), కమర్షియల్ కౌన్సిలర్ రాజేశ్ కుమార్ అగ్నిహోత్రి, అమర్‌దీప్ సింగ్ భట్టి (అటాచ్ వీసా), ధర్మేంద్ర సోధి (ఉద్యోగి), విజయ్ కుమార్ వర్మ (ఉద్యోగి), మాధవన్ నందకుమార్ (ఉద్యోగి) అని ఆయన తెలిపారు. ఇండియన్ ఇంటెలిజెన్స్ బ్యూరో ఆపరేటివ్‌లు బల్బీర్ సింగ్ (ప్రథమ కార్యదర్శి, ప్రెస్ ఇన్ఫర్మేషన్, ఐబి స్టేషన్ చీఫ్), అసిస్టెంట్ పర్సనల్ వెల్ఫేర్ ఆఫీసర్ జయబాలన్ సెంథిల్ అని ఆయన చెప్పారు.
ఆ ఆరోపణలు నిరాధారం: భారత్
న్యూఢిల్లీ: ఇస్లామాబాద్‌లోని భారత హైకమిషన్ కార్యాలయంలో పనిచేస్తున్న ఎనిమిది మంది అధికారులపై పాకిస్తాన్ చేసిన ఆరోపణలు నిరాధారమైనవని భారత్ గురువారం నిర్ద్వందంగా తోసిపుచ్చింది. ఈ ఎనిమిది మంది అధికారుల భద్రతకు ప్రమాదం వాటిల్లే రీతిలో వారి పేర్లు, ఫొటోలను పాకిస్తాన్ ప్రచురించిన తీరును భారత్ తీవ్రంగా నిరసించింది. ఢిల్లీలోని పాకిస్తాన్ హైకమిషన్‌కు చెందిన ఒక ఉద్యోగి గత వారం ఇక్కడ భారత వ్యతిరేక కార్యకలాపాలకు పాల్పడుతూ రెడ్‌హ్యాండెడ్‌గా పట్టుబడి దేశ బహిష్కృతుడు కావడంతో అందుకు ప్రతిగా పాకిస్తాన్ దురుద్దేశంతో ఏ తప్పూ చేయని భారత హైకమిషన్‌లోని ఎనిమిది మంది అధికారుల పట్ల క్రూరంగా వ్యవహరించిందని భారత విదేశీ వ్యవహారాల మంత్రిత్వ శాఖ అధికార ప్రతినిధి వికాస్ స్వరూప్ ధ్వజమెత్తారు.
పాకిస్తాన్ ఆరోపణలు చేసిన ఆ ఎనిమిది మంది అధికారులను వెనక్కి పిలిపిస్తారా? అని ప్రశ్నించగా, అది విధానపరమైన అంశమని, అన్ని కోణాల్లో ఆలోచించి ప్రభుత్వం ఈ విషయంలో ఒక నిర్ణయం తీసుకుంటుందని ఆయన బదులిచ్చారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.