అంతర్జాతీయం
ఆగని నిరసనల హోరు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, నవంబర్ 13: అమెరికా అధ్యక్ష ఎన్నికల్లో డొనాల్డ్ ట్రంప్ అనూహ్య విజయం సాధించడాన్ని వ్యతిరేకిస్తూ ఆ దేశ వ్యాప్తంగా నిరసనలు హోరెత్తుతున్నాయి. శనివారం వరుసగా నాలుగో రోజు వేలాది మంది ప్రజలు అమెరికా వీధుల్లోకి వచ్చి ట్రంప్‌కు వ్యతిరేకంగా ఎలుగెత్తారు. లాస్ ఏంజెల్స్, న్యూయార్క్, చికాగో వంటి పెద్ద నగరాలతో పాటు వార్సెస్టర్, మసాచ్యుసెట్స్, లోవా సిటీ వంటి చిన్న నగరాల్లో సైతం సాగిన ఈ నిరసన ప్రదర్శనలు చాలా మేరకు ప్రశాంతంగానే జరిగాయి. అయితే ఇండియానాపోలిస్‌లో నిరసన సందర్భంగా చోటుచేసుకున్న ఘర్షణలో ఇద్దరు పోలీసు అధికారులు స్వల్పంగా గాయపడ్డారు. న్యూయార్క్‌లోని యూనియన్ స్క్వేర్ వద్ద నుంచి నిరసన ప్రదర్శన నిర్వహించిన ఆందోళనకారులు ఫిఫ్త్ ఎవెన్యూ మీదుగా ట్రంప్ టవర్ వైపు వెళ్లేందుకు ప్రయత్నించగా, పోలీసులు బ్యారికేడ్లతో అడ్డుకున్నారు. దేశంలో అధికార మార్పిడి గురించి ట్రంప్ తన అపార్ట్‌మెంట్‌లో అనుచరులతో చర్చిస్తున్న సమయంలోనే ఈ ఘటన జరిగింది. అమెరికా అధ్యక్ష పీఠాన్ని ట్రంప్ అధిష్ఠించరాదని డిమాండ్ చేస్తున్న సినీ నిర్మాత మైఖేల్ మూర్, ఫ్యాషన్ డిజైనర్ నొయేమీ అబాడ్ (30) సహా పలువురు ప్రముఖులు ఈ నిరసన ప్రదర్శనలో పాల్గొన్నారు.
ట్రంప్‌కు నాటో చీఫ్ హెచ్చరిక
అమెరికా నేతృత్వంలోని సైనిక కూటమి (నాటో) పట్ల ట్రంప్ అనుసరించబోయే వైఖరి పట్ల సర్వత్రా భయాందోళనలు వ్యక్తమవుతున్నాయి. దీంతో నాటో నుంచి విడిపోయి ఒంటరిగా సాగడం అటు అమెరికాకు గానీ, ఇటు యూరప్‌కు గానీ మంచిది కాదని నాటో ప్రధాన కార్యదర్శి జేన్స్ స్టోల్టెన్‌బెర్గ్ ఆదివారం ట్రంప్‌ను హెచ్చరించారు. నాటోకు కాలం చెల్లిపోయిందని, అమెరికాకు సుంకాలు చెల్లించని నాటో సభ్య దేశాలకు ఎటువంటి సహాయాన్ని అందించాలన్నా ఒకటికి రెండుసార్లు ఆలోచిస్తామని ట్రంప్ తన ఎన్నికల ప్రచారంలో స్పష్టం చేసిన నేపథ్యంలో స్టోల్టెన్‌బెర్గ్ ఈ హెచ్చరిక చేశారు. భద్రతా పరంగా ప్రస్తుతం అమెరికా సహా పాశ్చాత్య దేశాలు పెను ముప్పును ఎదుర్కొంటున్నాయని బ్రిటన్‌కు చెందిన ‘అబ్జర్వర్’ వార్తా పత్రికలో ప్రచురితమైన వ్యాసంలో స్టోల్టెన్ బెర్గ్ పేర్కొన్నారు.
చిత్రం.. లాస్ వేగాస్‌లో ట్రంప్‌కు వ్యతిరేకంగా ప్రదర్శనలు నిర్వహిస్తున్న దృశ్యం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.