అంతర్జాతీయం
కూచిభొట్ల గౌరవార్థం..
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 17: అమెరికాలోని కాన్సాస్ రాష్ట్రంలో మార్చి 16ను ఇకనుంచి ‘ఇండియన్ అమెరికన్ అప్రిసియేషన్ డే’గా పరిగణించనున్నట్టు అక్కడి ప్రభుత్వం ప్రకటించింది. జాతి విద్వేషంతో శే్వత జాతీయుడు జరిపిన కాల్పుల్లో మరణించిన భారతీయుడు శ్రీనివాస్ కూచిభొట్ల గౌరవార్థం ఈ నిర్ణయం తీసుకున్నట్టు కాన్సాస్ గవర్నర్ శామ్ బ్రౌన్‌బ్యాక్ ప్రకటించారు. కాన్సాస్‌లోని ఓలాథే బార్‌లో గత మార్చి 16న యుఎస్ నేవీ మాజీ ఉద్యోగి ఆడమ్ పురిన్టన్ జాతి విద్వేషాగ్రహంతో జరిపిన కాల్పుల్లో భారతీయ టెకీ శ్రీనివాస్ కూచిభొట్ల మృతి చెందిన విషయం తెలిసిందే. ఆ ఘటనలో భారతీయుడు అలోక్ మేడసాని తీవ్రంగా గాయపడితే, కాల్పులను అడ్డుకునేందుకు ప్రయత్నించి శే్వతజాతీయుడు ఇయాన్ గ్రిల్లాట్ గాయపడ్డాడు. అది దురదృష్టకర సంఘటనగా గవర్నర్ శామ్ బ్రౌన్‌బ్యాక్ ప్రస్తావిస్తూ, కాన్సాస్‌లో ఇలాంటి సంఘటనలు పునరావృతం కాకుండా గట్టి చర్యలు తీసుకుంటామని హామీ ఇచ్చారు. ‘కాన్సాస్ ఉన్నతస్థానానికి చేరుకోవడానికి భారతీయుల నిర్మాణాత్మక కృషి ఎంతో ఉంది. కాన్సాస్ రాష్ట్రంలోకి భారతీయులకు ఎప్పుడూ ఆహ్వానమే. ఓథెలే బార్‌లో తలెత్తినటువంటి దురదృష్టకర సంఘటనలు భారతీయులతో కాన్సాస్ మైత్రి, అనుబంధంపై ఎలాంటి ప్రభావాన్ని చూపబోవు. కాన్సాస్ ఉన్నతిలో భారతీయుల నిర్మాణాత్మక కృషికి ఎప్పుడూ కృతజ్ఞతలు’ అని కాన్సాస్ రాజధాని టోపెకలో జరిగిన శ్రీనివాస్ కూచిభొట్ల సంతాప కార్యక్రమంలో గవర్నర్ శామ్ వ్యాఖ్యానించారు. కాల్పుల ఘటనలో గాయాలపాలైన మేడసాని, గ్రిల్లాట్‌లు కార్యక్రమానికి హాజరయ్యారు. మృతుడు శ్రీనివాస్ కుటుంబానికి, గాయాలపాలైన మేడసానికి ఈ సందర్భంగా గవర్నర్ శామ్ బహిరంగంగానే క్షమాపణలు చెప్పారు. ‘ప్రాణాలకు తెగించి ధైర్య సాహసాలు ప్రదర్శించిన ఇయాన్ గ్రిల్లాట్‌కు ధన్యవాదాలు. కాల్పుల ఘటన గాయాల నుంచి గ్రిల్లాట్, మేడసానిలు త్వరగా కోలుకోవాలి’ అని గవర్నర్ శామ్ ఆకాంక్షించారు. ‘సత్యమేవ జయతే అన్న సంస్కృతి మంత్రాన్ని అనుసరించి శాంతిని కోరుకుందాం. ఈ సూత్రంమీద నమ్మకంతోనే మార్చి 16ను కాన్సాస్‌లో ఇండియన్ అమెరికన్ డేగా ప్రకటిస్తున్నామని గవర్నర్ ప్రకటించారు. ‘కొన్ని దురదృష్టకర సంఘటనలను దృష్టిలో పెట్టుకోవద్దు. ఈ కోణంలో ఇలాంటి ఘటనలు తలెత్తినా సహించేది లేదు. ఇలాంటి ఘటనలు మన మైత్రిపై ఎలాంటి ప్రభావాన్నీ చూపబోవు. ఎంతమంది భారతీయులకైనా కాన్సాస్ ఆహ్వానం ఎప్పుడూ ఉంటుంది. కాన్సాస్‌లోని భారత జాతి వెనుక మేమున్నాం. ధైర్యంగా ఉండండి’ అని గవర్నర్ శామ్ బ్రౌన్‌బ్యాక్ భరోసా ప్రకటించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.