అంతర్జాతీయం
బ్రిటీష్ పార్లమెంటుపై దాడి మా ప్రతాపమే
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, మార్చి 23:బ్రిటన్ పార్లమెంటుపై బుధవారం దాడి మా ప్రతాపమేనని అంతర్జాతీయ ఉగ్రవాద సంస్థ ఐసిస్ చెప్పుకొంది. కాగా పార్లమెంటుపై దాడి చేసిన వ్యక్తి బ్రిటన్‌లోనే జన్మించాడని, గతంలో నిఘా సంస్థలు అతడిని ఒక సారి ప్రశ్నించాయని బ్రిటీష్ ప్రధాని థెరెసా మే స్పష్టం చేశారు. మరోవైపు ఈ దాడికి సంబంధించి లండన్, బర్మింగ్ హామ్‌లలో జరిపిన దాడుల్లో భద్రతా సిబ్బంది ఎనిమిది మందిని అరెస్టు చేశారు. బుధవారం పార్లమెంటుపై జరిగిన దాడిలో ఉగ్రవాది సహా నలుగురు చనిపోగా, 40 మంది దాకా గాయపడిన విషయం తెలిసిందే. బుధవారం దాడి తర్వాత తాత్కాలికంగా నిలిచిపోయిన బ్రిటీ ష్ పార్లమెంటు సమావేశాలు గురువారం తిరిగి ప్రారంభమయ్యాయి. దాడికి సంబంధించి ప్రధాని థెరెసా మే పార్లమెంటులో ఒక ప్రకటన చేస్తూ, దాడి చేసిన వ్యక్తి బ్రిటన్‌లో జన్మించిన వాడే. కొనే్నళ్ల క్రితం ఎంఐ 5 (బ్రిటన్ మిలిటరీ ఇంటెలిజన్స్ ఏజ న్సీ) హింసాత్మక తీవ్రవాదానికి సం బంధించి అతడిని ప్రశ్నించింది’ అని తెలిపారు. ఈ సమయంలో మ న విలువలదే విజయమని, ఉగ్రవాదులు విజయం సాధించలేరనే విషయాన్ని నిరూపించాల్సిన అవసరం ఉందని ఆమె అన్నారు. లండన్ నడిబొడ్డున ఉన్న వెస్ట్‌మినిస్టర్‌పై దాడికి బాధ్యత తమదేనని అంతర్జాతీయ ఉగ్రవాద సంస్థ ఐసిస్ తమ ప్రచార వార్తాసంస్థ ‘అమక్’లో ప్రకటించుకొంది. ఐఎస్ సైనికుడొకడు ఈ దాడి జరిపాడని ఆ సంస్థ తెలిపింది. సిరి యా, ఇరాక్‌లలో తమ స్థావరాలపై దాడులు చేస్తున్న సంకీర్ణ దళాలలో ఉండే దేశాల ప్రజలు, భద్రతా దళాలపై దాడులు జరపాలని తాము ఇచ్చిన పిలుపుమేరకే ఈ దాడి జరిగినట్లు ఒక ప్రకటనలో తెలిపింది.
చిత్రం..ఉగ్రదాడి మృతులకు నివాళి అర్పిస్తున్న బ్రిటన్ పార్లమెంట్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.