అంతర్జాతీయం
అణు కార్యక్రమం ఆగదు
S ,7 à 8 RSCA (si SASPAS) et 6 cialis pharmacie cialis rapports de stage.
సియోల్, జూన్ 4: ఐక్యరాజ్యసమితి తాజాగా తీవ్ర ఆంక్షలు విధించినప్పటికీ, తమ క్షిపణి అణ్వాయుధాల కార్యక్రమాలను విడనాడే ప్రసక్తే లేదని ఉత్తర కొరియా ఆదివారం నాడు తెగేసి చెప్పింది. అమెరికా రూపొందించిన తీర్మానాలను ఆమోదిస్తూ ఐక్యరాజ్యసమితి భద్రతామండలి ఉత్తరకొరియాపై కఠినమైన ఆంక్షలు విధించిన సంగతి తెలిసిందే.
గత రెండు వారాలుగా ఒకదాని తరువాత ఒకటిగా ఉత్తరకొరియా జరిపిన క్షిపణి పరీక్షల పర్యవసానంగానే ఐరాస భద్రతామండలి ఆ నిర్ణయం తీసుకుంది. ఇందులో భాగంగా అనేక ఉత్తరకొరియా కంపెనీలను బ్లాక్‌లిస్ట్‌లో పెట్టింది. అనుమానిత అధికారులపైనా వేటు వేసింది. వీటన్నింటిపైనా అంతర్జాతీయ ఆంక్షలు అమలవుతాయని, బ్లాక్‌లిస్ట్‌లో ఉన్న కంపెనీల ఆస్తులను స్తంభింపజేస్తామని తెలిపింది. అయితే ఈ ఆంక్షలను తీవ్రంగా ఖండించిన ఉత్తర కొరియా తన అణు కార్యక్రమం విషయంలో రాజీ పడేది లేదని తెలిపింది. స్వీయ రక్షణార్థం తాము అణ్వాయుధ పాటవాన్ని సంతరించుకోకూడదన్న ఉద్దేశంతోనే ఈ ఆంక్షలు విధించారని ఉత్తర కొరియా సీనియర్ అధికారి ఒకరు మండిపడ్డారు. ఓ పక్క తమపై అర్థం లేని ఆంక్షలను విధిస్తూ ముందస్తు షరతులు పెడుతూ గరిష్ఠస్థాయిలో ఒత్తిడి తీసుకువస్తూ ‘‘మాట్లాడుకుందాం రండి’’ అంటూ అమెరికా పిలుపునివ్వటం విడ్డూరంగా ఉందని ఆయన ఓ ప్రకటనలో తెలిపారు. అమెరికా చైనాలు కలిసి కట్టుగానే ఈ ఆంక్షల ముసాయిదాను రూపొందించాయని మండిపడ్డారు. ఓ పక్క తమ ఆయుధాలను ఆధునీకరించుకుంటూ, సైనిక దళాలను పటిష్టం చేసుకుంటున్న అమెరికాకు ఈ దిశగా ఏ దేశం ముందుకు వెళ్లినా తీవ్ర ఆగ్రహమే వస్తుందని తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.