అంతర్జాతీయం
కతార్‌పై ట్రంప్ ఆగ్రహం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 10: ఇస్లామిక్ ఉగ్రవాదులకు నిధులు సమకూరుస్తున్నట్లు ఆరోపణలు ఎదుర్కొంటున్న కతార్‌పై అమెరికా అధ్యక్షుడు డొనాల్డ్ ట్రంప్ ఆగ్రహాన్ని వ్యక్తం చేశారు. ఉగ్రవాదులకు కతార్ నిధులను సమకూర్చడం చరిత్ర చెబుతున్న నిజమని, ఆ దేశంతో పాటు గల్ఫ్‌లోని ఇతర దేశాలు ఉగ్రవాదులకు నిధులు సమకూర్చడాన్ని తక్షణమే ఆపాలని ఆయన డిమాండ్ చేశారు. అమెరికాలో పర్యటిస్తున్న రొమేనియా అధ్యక్షుడు క్లస్ జొహాన్నిస్‌తో కలసి వైట్‌హౌస్ రోజ్ గార్డెన్‌లో శుక్రవారం ట్రంప్ విలేఖరుల సమావేశంలో మాట్లాడుతూ, ఉగ్రవాదులకు నిధులను సమకూర్చడం ద్వారా విద్వేషాన్ని నూరిపోస్తూ హత్యలను ప్రేరేపిస్తున్న దేశాలన్నీ తక్షణమే ఆ పనులు మానుకోవాలని స్పష్టం చేశారు. ఉగ్రవాదులకు కతార్ ‘అత్యున్నత స్థాయి’లో నిధులను సమకూరుస్తోందని, గల్ఫ్‌లోని మరికొన్ని ఇతర దేశాలు కూడా ఇదేవిధంగా వ్యవహరిస్తున్నాయని ఆయన ఆరోపించారు. ‘ఉగ్రవాదులకు కతార్ అత్యున్నత స్థాయిలో నిధులు సమకూరుస్తుండటం విచారకరం. కతార్ తీరును అడ్డుకుని ఉగ్రవాదులకు నిధులు అందకుండా చూడాలని గల్ఫ్ ప్రాంతంలోని కొన్ని దేశాలు నన్ను కోరాయి. దీనిపై మేము నిర్ణయం తీసుకోవాల్సి ఉంది. ఈ విషయంలో మృదువుగా వ్యవహరించాలా? లేక కఠినమైన చర్యలు చేపట్టాలా? అనే విషయాన్ని మేము పరిశీలిస్తున్నాం. ఏది ఏమైనప్పటికీ ఉగ్రవాదులకు నిధులు అందకుండా చూడాల్సిన అవసరం ఉంది. కనుక కతార్ ఇటువంటి పనులు చేయకుండా ఆపాలని మేము నిశ్చయించుకున్నాం’ అని వివరించారు.
చిత్రం.రొమేనియా అధ్యక్షుడు క్లస్ జొహాన్నిస్‌తో కలసి విలేఖరులతో మాట్లాడుతున్న ట్రంప్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.