అంతర్జాతీయం
నల్లిని చంపబోతే...!
S ,7 à 8 RSCA (si SASPAS) et 6 cialis pharmacie cialis rapports de stage.
హ్యూస్టన్, జూలై 28: ఏదో సామెత చెప్పినట్టు.. నల్లిని చంపడానికి నిప్పురాజేస్తే మంటలు గదంతా వ్యాపించి మొత్తం అపార్ట్‌మెంట్‌నే చుట్టేశాయి. అమెరికాలోని కాన్సాస్‌లోని టొపెకాలో ఈ ఘటన చోటుచేసుకుంది. యాతావాతా 1,40,000 డాలర్ల నష్టం వాటిల్లిందని అధికారులు లెక్కకట్టారు. మంటల వల్ల అపార్ట్‌మెంట్‌లోని జనాన్ని ఖాళీ చేయించారు. అగ్ని ప్రమాదం సమాచారం అందుకున్న ఫైర్ డిపార్ట్‌మెంట్ వారు హుటాహుటిన సంఘటనాస్థలానికి చేరుకున్నారు. ప్రమాదంపై ఆరా తీయగా నల్లి విషయం తెలిసి అవాక్కయ్యారు. ఓ ఫ్లాట్‌లో మాస్టర్ బెడ్ రూమ్ నుంచి మంటలు ఎగిసిపడ్డాయని టొపెకా అగ్నిమాపక అధికారి మైక్ మార్టిన్ వెల్లడించారు. ‘నల్లిని చంపడానికి మహిళ లైటర్ వెలిగించింది. ప్రమాదవశాత్తూ మంటలు లేచాయి’ అని ఆయన చెప్పారు. అదృష్టశాత్తూ ఎవరికి ఎలాంటి గాయాలు కాలేదని ఆయన పేర్కొన్నారు. ప్రమాదం సమాచారం తెలిసిన వెంటనే వివిధ సంస్థలకు చెందిన అగ్నిమాపక శకటాలు సంఘటనా స్థలానికి చేరుకుని మంటలను అదుపుచేశాయి. అగ్నిప్రమాదం వల్ల మూడంతస్తుల అపార్ట్‌మెంట్ అంతా దట్టమైన పొగ కమ్మేసింది. ఏం జరుగుతుందో తెలియని ఆందోళన వ్యక్తమైంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.