అంతర్జాతీయం
సత్తా చూపిస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
సియోల్, ఆగస్టు 10: అమెరికా అధ్యక్షుడు డొనాల్డ్ ట్రంప్ తీవ్ర హెచ్చరికల నేపథ్యంలో ఉత్తర కొరియా మరింతగా రెచ్చిపోతోంది. అమెరికా తన సైన్యాన్ని మోహరించిన గువామ్ దీవిపై దాడికి కసరత్తు మొదలు పెట్టింది. రానున్న వారంలోనే ఈ సైనిక స్థావరంపై దాడులు జరుపుతామన్న సంకేతాలూ అందించింది. మరో పక్క ట్రంప్‌కు అసలు ఆలోచనే లేదంటూ తాజాగా ధ్వజమెత్తిన ఉత్తర కొరియా నాయకత్వం ‘గువామ్ దీవిపై తీవ్ర స్థాయిలో దాడి జరిపితే తప్ప ట్రంప్‌పై ఎలాంటి ప్రభావం ఉండదు’అని తెలిపింది. అమెరికా అణ్వాయుధాలు ఇప్పటి వరకూ ఎన్నడూ చూడనంత శక్తివంతమైనవని, వీటితో ఉత్తర కొరియా భరతం పడతామని ట్రంప్ హెచ్చరించిన నేపథ్యంలో ఇరు దేశాల మధ్య దాదాపుగా యుద్ధ వాతావరణమే నెలకొంది. అసలు ఉత్తర కొరియా శక్తి ఏమిటి..అది చేస్తున్న హెచ్చరికల తీవ్రత ఎంత తీవ్రమన్న ఆలోచన లేకుండా రెచ్చగొడుతూ పోవడం వల్ల పరిస్థితులు చేయిదాటిపోయే ప్రమాదం ఉందన్న ఆందోళనా వ్యక్తమవుతోంది. ఇదే జరిగితే దాని ప్రభావం కొరియా ద్వీపకల్పంపైనే కాకుండా ఇతర ప్రాంతాలపైనా తీవ్రంగా ఉండే అవకాశం ఉందన్న వాదనా గట్టిగా వినిపిస్తోంది. గత నెల్లో ఉత్తర కొరియా రెండు ఖండాంతర క్షిపణులను విజయవంతంగా పరీక్షించి మొత్తం అమెరికా భూభాగానే్న దాడుల పరిధిలోకి తెచ్చింది. కాగా, తమపై అత్యంత తీవ్రస్థాయిలో దాడులు చేస్తామని ట్రంప్ చెప్పడం అర్థం లేని ప్రకటన అని ఉత్తర కొరియా క్షిపణి దళాల కమాండర్ కిమ్ రక్-గియోమ్ అన్నారు. ఆలోచన లేని వ్యక్తి చేసే ఇలాంటి హెచ్చరికలకు ఎలాంటి అర్థం ఉండదని కూడా ఆయన అన్నారు. ఆగస్టు మధ్య నాటికల్లా గువామ్‌పై దాడి ప్రణాళికను సిద్ధం చేస్తామని, దీన్ని అధ్యక్షుడు కిమ్‌కు నివేదిస్తామని తెలిపారు. నాలుగు క్షిపణులను ఏకకాలంలో దాడి చేస్తామని, జపాన్ ప్రాంతాలైన హిరోషిమా,షిమానే, కోయిచీ మీదుగా వెళతాయని తెలిపారు.
అమెరికానే ఆదుకుంటుంది!
ఇదిలా ఉండగా తమ ప్రాంతంలో మోహరించిన అమెరికా దళాల శక్తియుక్తులపై తమకు పూర్తి నమ్మకం ఉందని గువామ్ వాసులు అంటున్నారు. మాటల యుద్ధం తీవ్రం అవుతూండటంతో పరిస్థితి ఎలాంటి విపరిణామాలకు దారితీస్తుందోనన్న ఆందోళనా వారి మాటల్లో కనిపిస్తోంది. గువామ్‌పై దాడి ప్రణాళికను సిద్ధం చేస్తామని ఉత్తర కొరియా హెచ్చరించడంతో ఇక్కడి వాసుల్లో భయం మరింత తీవ్రమైంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.